سەرۆکی جووڵانەوەی #نەوەی نوێ# ڕایدەگەیەنێت، ئەمساڵ 2023 هەڵبژاردن نەکرێت تا 2026 هەڵبژاردن ناکرێت و هۆشداری دەدات لەوەی، ئەگەر جوڵەیەک نەکەن تا ئەو کاتەش سەختە شتێک بەناوی هەرێمی کوردستانەوە بمێنێت.
#شاسوار عەبدولواحید#، سەرۆکی جووڵانەوەی نەوەی نوێ لە تویتێکدا نووسیویەتی: ئەگەر ئەمساڵ هەڵبژاردن نەکرێت، کۆمیسیۆنی هەڵبژاردنەکانی ئێراق تا ساڵی 2026 ناتوانێت سەرپەرشتی هەڵبژاردنی پەڕڵەمانی کوردستان بکات، ئەمەش بەهۆی کۆتایهاتنی تەمەنی کۆمیسیۆنی ئێراق لە سەرەتای ساڵی 2024.
دەشڵێت: هەڵبژاردنی کۆمیسیۆنی نوێ لە ساڵی 2025 کە ئەوان سەرپەرشتی هەڵبژاردنە نیشتمانییەکانی ئێراق دەکەن و تەنیا دوای ئەوە دەتوانن سەرپەرشتی هەڵبژاردنەکان بکەن لە هەرێمی کوردستان.
سەرۆکی جووڵانەوەی نەوەی نوێ وتیشی: تا ئەو کاتەش سەختە شتێک بەناوی هەرێمی کوردستانەوە بمێنێت، ئەگەر ئێستا نەجوڵێین بۆ پاراستنی. [1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 464
Donnez votre avis sur ce produit!