بەهۆی بەردەوامی ڕاگیرانی هەناردەی نەوتی هەرێمی کوردستان، #نێچیرڤان بارزانی# سەردانی ئەوروپا دەکات و چەند کۆبوونەوەیەک لە چەند وڵاتێکی ئەوروپا ئەنجامدەدات.
نێچیرڤان بارزانی سەرۆکی هەرێم ڕۆژی دووشەممە ڕێکەوتی #26-05-2023# سەردانەکەی بۆ وڵاتانی ئەوروپا دەستپێدەکات و وێستگەی یەکەمی سەردانەکەشی وڵاتی ئەڵمانیا دەبێت.
هەڵوێستی تورکیا و ئێراق لە بارەی دۆسییەی نەوتی هەرێم وایکردووە، نێچیرڤان بارزانی لە ئەوروپاوە دەست بە هەوڵێک بکات، تا ئەو لایەنانە ڕازی بکەن بە دەستپێکردنەوەی هەناردەی نەوتی هەرێم.
بەو پێیەی پێشتر بەشێک لە وڵاتانی ئەوروپی، ئاگاداری گرێبەستە نەوتییەکانی هەرێم بەتایبەتی ئەو وڵاتانەی کۆمپانیایان لە هەرێم هەیە و لە کێڵگە نەوتییەکان کار دەکەن، دەیەوێت فشار لە ئەنقەرە و بەغدا بکەن، تا بەزوویی لەسەر دەستپێکردنەوەی هەناردەی نەوتی هەرێم ڕێکبکەون.
بڕیارە لە سەردانەکەی بۆ ئەڵمانیا نێچیرڤان بارزانی لەگەڵ ئۆلاف شوڵتز، ڕاوێژکاری ئەڵمانیا لە بەرلین کۆدەبێتەوە و جگە لە بابەتی دۆسییەی نەوت، تاوتوێی ئەنجامدانی هەڵبژاردنی پەڕڵەمانی کوردستانیش دەکەن. [1]
Cet article a été écrit en (کوردیی ناوەڕاست - Central Kurdish) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 401
Donnez votre avis sur ce produit!