ناڤ: قادر
ناڤێ بابی: ئەحمەد
ناسناڤ: قادر زیرەک
ساڵا ژدایک بوونێ: 1954
جهێ ژدایک بوونێ: گوندێ #بیرکۆت#
ڕوژا وەغەرا دوایی: #17-07-1981#
جهێ وەغەرا دوایی: ڕێیا دناڤبەرا #خەلیفان# - #هەریر#
$ژیاننامە$
ناڤێ وی قادر ئەحمەد مستەفایە ل ساڵا 1954 ل گوندی بێرکۆت ژدایکبوویه، ل ژیێ زاروکیێ دە حەزا سترانا و موزیکا کوردی و ب تایبەت ب دەنگێ هونەرمەندێ مەزن ماموستا حەسەن زیرەک هەبوویە، ب دل لاساییا دەنگ و سترانێن وی کرییە و ناسناڤێ زیرەکیش هەر ژبو ڤێ کارتێکرنا هوونەرییا وی ڤەدگەڕت.
قادر زیرەک قوناغا سەرەتایی ل بێرکۆتێ تمام کرییه و پشتڕە دهێتە باژێڕ و هندەک قۆناغێن دن یێن خوەندنێ تمام دکەت، ژبەر بارودوخێ سەختێ ژیانێ هەیا قوناغا سێیا ناڤەندی پتر نکاریت خوەندنێ تمام بکەت .
قادر زیرەک ل ساڵا 1969 دە ژیانا هەڤژینی یێ پێکدهینێت و ماڵەکە تژی ئەڤین و هونەر تەڤی نەسرین ئەحمەد یا هەڤژینا خوە درووست دکەت. بەرهەمێ ژیانا وی دوو زاروک دبن بناڤێن ئەیوب و ژیان. =KTML_ImageCaption_Begin==KTML_StyleDiv=width:25%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2008/113/0010.JPG=KTML_ImageCaption_Title=قادر زیرەک و کوڕەکەی=KTML_ImageCaption_CaptionStyle=000000=KTML_ImageCaption_Caption=قادر زیرەک و کوڕەکەی=KTML_ImageCaption_End=
لێ بەلێ مەرگ ناهێلیت قادر و نەسرین پتر بهەڤڕە بژین و پشتی چار ساڵان ل بهەڤڕە بوونێ ب ئەگەرێ کارەساتا سوتانێ ل ساڵا 1973 دە نەسرین و ژیانا کەچا وی ماڵئاڤایی ل ژیانێ دکەن، پشتی 3 ساڵان ل ژیانەکە ب خەم و گریان و دەرد و کەسەر، ڤێ جارێ هەوڵا ژیانەکە نوو ددەت.
ل ساڵا 1976 دە تەڤی خانم ئاواز عەبدولعەزیز ژیانەکە نوو پێکدەهینیت و لڤێ ژیانا تازە یا هەڤژینیێ دە ئومێد، ئاوات و ئەردەڵان ژدایک دبن.
قادر زیرەک ئێکەم سترانا خوە ل ساڵا 1977ێ ل ئێزگەیێ کوردی ل بەغدا تومار کرییە بناڤێ دوورم لە یاران، ئەڤ سترانە دەنگڤەدانەکە باش یا هونەرمەند زیرەک بوو لوی دەمی دە بوویە دیروکەک بو ئەرشیفا ناڤهاتی، کو هەیا نها ژی ئەڤ سترانە هەر ب نەمری یا مای و ئێکە ژ سترانێن ڕەسەن، کوو ئاواز و تێکستا وێ یا #ڕزگار خۆشناو#ە.
پشتڕە ل ساڵا 1980 دە کاری چەند بەرهەمێن دن تومار بکەت، ژوانا: دوگمەی سینه، ئەمان ساقی، لە بنەوار، بازی کوێستان، پشتی ڤان سترانان قادر زیرەک ل ماوێ ئەڤان دوو ساڵان دە لدەف خەلکی هاتە ناسین و بوویە خودیێ گوهدارێن خوە.
ل ڕێکەفتا 17/18-07-1981 قادر زیرەک تەڤی چەند هەڤاڵێن خوە د دەمێ کوو ل سەیرانەکێ ڤەدگەڕان ل ڕییا #بێخال# و #گەلی عەلی بەگ# بەرەڤ #هەڤلێر# لسەر ڕییا خەلیفان- هەریر ب ڕیدانا ئۆتۆمبیلێ قادر زیرەک گیانێ خوە ژدەست دا.[1]