شاندێکی مەکتەبی سیاسی #پارتی دیموکراتی کوردستان# لە بەغدایە و بەپێی میدیای ئەو حزبە، شاندەکە لەگەڵ لایەنەکانی نێو هاوپەیمانی بەڕێوەبردنی دەوڵەت پێداچوونەوە بە کارنامەی کارکردنی کابینەی محەمەد شیاع سوودانی و ڕێککەوتنە سیاسییەکانی نێوان #هەولێر# و بەغدا دەکەن.
ئەمڕۆ ڕێکەوتی #07-08-2023# شاندێکی باڵای مەکتەبی سیاسی پارتی دیموکراتی کوردستان بەرەو بەغدا بەڕێکەوت، لە بارەی سەردانەکەوە، #ڤیان سەبری#، سەرۆکی فراکسیۆنی پارتی دیموکراتی کوردستان لە پەڕڵەمانی ئێراق بە میدیای حزبەکەی ڕاگەیاندووە، لە کۆبوونەوەکاندا پێداچوونەوە بە ڕێککەوتنە سیاسییەکانی نێوان هەردوو حکومەتی ئێراق و هەرێمی کوردستان، کارنامەی کابینەی محەمەد شیاع سوودانی، سەرۆک وەزیرانی ئێراق و نووسینەوەی پڕۆژەیاسای نەوت و گاز دەکرێت.
ئەو سەردانە لەکاتێکدایە، لایەنە سیاسییەکانی ئێراق و #هەرێمی کوردستان# ماوەی چەندین ساڵە لەسەر پڕۆژەیاسای نەوت و گاز ناکۆکن، هاوکات هەر ئەمڕۆش ڕێکەوتی 07-08
2023 وەزیری نەوتی ئێراق گەیشتە شاری #کەرکووک#. [1]
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 339
Donnez votre avis sur ce produit!