هەرگیز وێتا نەڎەیدێ وتەی
کابرێوی ڕاویار، رێوە فرێش پیمێبێ، یاوا دلێ دەگێوێ و یەک ڕاس لوا روەو مزگی دەگاکێ. پاڵاکێش نیێش چیروو سەرەیشوو وت.
ئاندەش نەبەرد دوێ نەفەرێ ئامێ چوەر پەی دلێ مزگیەکەی. یۆشا بە ئەویتەریشا واتش:
ئاڵتوونەکەی منیەیمێ پەشتەو ئا مەنبەریە، یاگەکێش خاسەنە و کەس مەزانۆش پەنە.
ئەویتەرشا بە یەواشی ئاماوە جواب و واتش:
ئەها ئا پیا چاگەنە وتەن، وەختێو هایش بۆوە ئاڵتوونەکاما بەرۆ!
دەی تاقیش کەرمێوە، پاڵەیەکاش چیروو سەرەیشەنە بەرمارمێ بزانمێ هایشا یا نا!
کابرا کە قسەکێشا ئەژنەوێ وێش دا وتەی تا پاڵاکێشا چیروو سەرەیشەنە بەرکێشتێ و بەردێشا.
دماو لوای دوە نەفەرەکەی کابرا بە پەلە هۆرسۆ و لوا روەو مەنبەرەکەی تا ئاڵتوونەکا هۆرگێرۆ. دیش نە ئاڵتوون هەن و نە تەڕەماش. بە وێشەرە ئاماوە کە گردوو ئا قسا پەی ئانەیە بیەن تا چا وەختەنە ئاد هایشا، پاڵەیەکاش بەرا.
جە ژیوایتانە هەرگیز وېتا نەڎەیدۍ وتەی.
ڕەزا بەهمەنی.[1]