مەعرووف ئاغایی یێ بەرنیاس ب مارف ئاغایی ل ڕێزا وان هەلبەستڤانان بوو ک ل ڕەوتا نوێخوازی یا هەڵبەستێن کوردیی ل ڕۆژهەڵاتێ کوردستانێ دایە. هەلبەستڤانەک بوو کوو زمان و شێوازێ وی تایبەت ب خوە هەبوو. ئەڤ هەلبەستڤانێ هەستیار ل ڕۆژا دووهەم یا ڕێبەندانا 1344 ک. #22-01-1966# ل گوندێ #وەزنێ# یێ سەرب باژێڕێ #نەغەدە#، دەڤەرا سندووس ژدایک بوویە. لە 25 ڕێبەندانا 1376 ب کارەساتا پێکدادانا ئۆتۆمبیلێ وەغەرا داویێ کر.
$ژیاننامە:$
مارف ئاغایی، کوڕێ حاجی محەمەدێ ئاغایی ل ماڵباتا پاشایی یانە. خوەندنا سەرەتایی و ناڤەندی ل باژێڕێ نەغەدە تمام کر و پشتڕە چووینە #شنۆ#. ل وێرێ ژی ل قۆناغا ئامادەی بو ماوێ ساڵەکێ هاتییە زیندانی کرن.
ساڵا 1985 هەڤدەم دگەل دامەزرانا بنکەیا ئەدەبی و فەرهەنگی یا گۆڤارا سروە دەست ب بەڵاڤ کرنا هەڵبەست و بەرهەمێن خوە کر و پشتی دوو ساڵان ل هەمان گۆڤارێدە بوویە ئەندامێ دەستەیا نڤیسەران. ساڵا 1988 دگەل ئازەر سەمسامی ژیانا هەڤژینی یێ پێک ئانییە و کچ و کوڕەک بناڤێ شەونم و پەیام هەنە. لڤان ساڵێن داویدە هەوڵا خۆفێرکرنا زاراوەیێن زمانی کوردی ددا و پشتڕە فێری زمانی ئینگلیزی بوو و سەرەنجام کاری پەرتووکا ناسیۆنالیستی کورد بوو بۆ سەر زمانێ کوردی وەربگێڕیت. مارف ژبلی وەرگێڕانا پەرتووکا ناسیۆنالیزمی کورد پەرتووکا هەڵبەست و چێرۆکان بناڤێ زەوی سەخت و ئاسمانی دور پشتی مرنا وی هاتە بەڵاڤ کرن کو ژ ئالێ ڕەخنەگر و شەهرەزایان هەڵبەستێن هەڤچەرخێ کوردی ل ڕۆژهەڵاتێ کوردستانێ ب کارەکێ گرنگ و جودا تێ هەژمار کرن.
$کۆچا دوای:$
پشتی خزمەتەکە زۆر و ئەنجامدانا گەلەک کارێن ب نرخ و پڕۆژەیا نوو ل ناڤەندا بەڵاڤوکا فەرهەنگ و ئەدەبێ کوردی و گۆڤارا سروە، وەکە ڕێکخستنا کۆنگرە، کۆنفرانسا ئەدەبی و فەرهەنگی هەر ل #ئیلام#ێ ڕە بگرە هەتا دگەهتە باژێڕێ #ورمێ# و دامەزراندنا پەیوەندییەکە زۆر تەڤی ئەدیب و نڤیسەرێن دەڤەرێن جودا یێن کوردستانێ ژبو کارێ هەڤبەش یێ فەرهەنگی، ڕۆژی 25 ڕێبەندانی 1376، دەمێ کول پرسەیا مینا خانما هەڤژینا پێشەوا قازی ڤەدگەڕیان، دگەل دەستەیا نڤیسەرێن گۆڤارا سروە، ل #مەهاباد#ێ بەرەف ورمێ، ب کارەساتا ئۆتۆمۆبیل، تەڤی دوو هەڤالێن خوە، کاک جەعفەر قازی و کاک سەرتیپ مەنسووری، وەغەرا داویێ کر و ل پشکا ناڤدارێن گۆڕستانا بوداغ سوڵتانی یا باژێڕێ مەهاباد ل نزیک مەزارێ هەژار و هێمن هاتە بخاک سپاردن.
$چەن نموونە ل هەڵبەستێن مارف ئاغایی:$
مانەوە
ئەم خۆشەویستە دڵڕەقە عیشق پەروەرەی
نە دەتوانم وەکوو کیژێک بیخەمە پاشتەرکی ئەسپ و
لەژێر سایەی زێڕوەشانی تریفەی مانگەشەوێک
هەڵێگرم
نە دەشتوانم هەرگیز دڵی لێ بەردەم و
خۆم گیرۆدەی کۆلکەزێڕینەی شوێنێکی دیکە بکەم
ناوی: خاکە
ئەم دەریایەی
نە دەتوانم لە جامی چاوەکانمدا ڕایگوێزم و
نە دەشتوانم لە دووری ئەو
لە ئۆقیانووسی هیچ شوێنێکی دیکەدا قومە ئاوێک
بخۆمەوە
[1]