ئێوارەى ئەمڕۆ یەکشەممە #04-02-2024# بەڕێز #نێچیرڤان بارزانى#، سەرۆکى هەرێمى کوردستان، پێشوازى لە خاتوو ئانو سارێلا باڵیۆزى فینلەندا لە ئێراق کرد.
لە کۆبوونەوەیەکدا هەردوولا جەختیان لە خواستى دوولایەنە بۆ برەودان بە پەیوەندییەکان و فراوانکردنى هاریکاریى هاوبەشى فینلەندا لەگەڵ ئێراق و هەرێمى کوردستان لە بوارە جیاکاندا کردەوە، هەروەها دەربارەى دۆخى سیاسى و ئەمنیى ئێراق و گرنگیى پاراستنى ئارامى و سەقامگیریى وڵات، بیروڕایان گۆڕییەوە.
سەرۆک نێچیرڤان بارزانى، سوپاس و پێزانینى هەرێمى کوردستانى بۆ بەشداریى فینلەندا لە هاوپەیمانیى نێودەوڵەتیى دژى #داعش#دا دەربڕى و ستایشى پشتگیریى فینلەنداى لە ئێراق و هەرێمى کوردستان کرد بۆ بەرەنگاربوونەوەى تیرۆر، هەروەها ئاماژەى بە ڕۆڵى هێزەکانى فینلەدا کرد کە هێشتا لە هەرێمى کوردستان، لە ئەرکدان.
کاریگەرى و لێکەوتەکانى شەڕ لە ئۆکراینا و دوایین پێشهاتەکانى دۆخى ئاڵۆزى ڕۆژهەڵاتى ناوەڕاست و شەڕ لە غەززە و چەند پرسێکى دیکەى جێى بایەخى هاوبەش، تەوەرێکى دیکەى کۆبوونەوەکە بوو. [1]
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 134
Donnez votre avis sur ce produit!