هۊشی دەسڕەس
ئینسان جە ماوەو وېیەردەی و ژیوایشەنە تاکو ئیسە یەرێ جە دەستوس و ڕۊوەوەروەلوای سەرەکیەکاش بە ویشوە ویناینێ.
ئاور، بڕق و ئینترنت و ئیسەچە هەن جە قۆناغەو دەسپەنەکەردەو هۊشی ناسروشتی/دەستکردینە.
ئېمە تاکو ئیسە بە تەنیا تاوانما جە ئاوری بە باشی پەی ژیوایما، پسەو زینڎە مەنەی جە وەراوەرەو سەردای و هێرشی و ... ئیستیفادە کەرمۍ.
هەڵای جە قۆناغەو ویگۆنجنای چەنی ئینترنێتی و تیکنۆلۆژی مەنێنمێوە و یۊ جە پەنەۋازەرین ئەرکەکاما لایکەمش ئانەنە زوانەکەما جەهانی و بە تیکنۆلۆژیوە کەرمۍ و وزمێش لیستەو زوانەکاو کۊمپانیە گەورە جەهانیەکاوە.
ئانە کە هۊشی ناسروشتیچ جە ساڵ و سەدەکاتەرەو نەئامە و وەرەودەمیمانە ئینسانی بە گردی و گېرە گۊ زەمینش مەفۆتنۆ، یا مەو بایسەو دەستوس و وەروەکەوتەی و ئاسانی ژیوای زیاتەری تەنانەت جە هەسارەکا تەریشەنە، باسیەتەر و چەمەڕای زیادتەرش لازمەن.
بەڵام چېویە پەیما فرە ڕۊشنەن، ئەویش ئانەنە: هەر گېیانداریە، هەر نەتەوەیە، هەر کۊمەڵگایە، هەر زوانیە، ئەر نەتاو ویش چەنی دۊخی، چەنی ڕۊوێ و چەنی قۆناغ و سەرەم و دەستوسە تازەکا گۆنجۆ، مەترسی فۆتیایش فرە هەن سەروە.
ئیدریس پیری.[1]