لەم شاڵاوەی ئەنفالدا هەموو ناوچەکانی (#ڕێدار# و #ئاغجەلەر# و #تەق تەق# و گوندی #عەسکەر# و #گۆپتەپە#ی گرتەوە، هەروەها دەشتی #کۆیە# و سنووری ناوچەکانی #تەکیە#، #چەمچەماڵ#، #دوکان#، #پردێ#، #دێگەڵە#، #شوان#، #مەخموور# و #خەلەکان#ی گرتەوە.
سەرەتاکەی بە کیمیابارانی گوندی گۆپتەپە دەستی پێ کرد ڕۆژی 3ی مایسی 1988 کاتژمێر 5، 45ی ئێوارە کاتی خەڵکی گوندەکە خۆیان ئامادە دەکرد بۆ شکاندنی ڕۆژووی مانگی ڕەمەزان کە نزیکەی 154 کەس بوونە قوربانی لە کاتی بۆمببارانکردنەکە، هەروەها 9 کەس لە گوندی عەسکەر بەهۆی گازی کیمیایی، لە 5ی مایس گوندی #دەلۆ#ی #ناو شوان# موشەکباران کرا سێ چوار پیرەژن و چوار منداڵی کوشت لە دواییشدا (28) کەسیان دەستگیر کرد و شوێنبزریان کرد کە 3 ئافرەت و منداڵێکیان تێدابوو، ئینجا هێرش کرایە سەر گوندەکانی #خاڵەکوتیا#ی نزیک دەکۆ و زگیلە تەنیا 6 کەسی بە ساڵاچوو دەستگیر کران کە نەیان توانی بوو هەڵبێن و خۆیان ڕزگار بکەن، هەروەها خەڵکی گوندی #دەرماناوی# 12 ڕۆژ لە جیاتی خواردن تەنیا گیایان دەخوارد، هەروەها لە گوندی #قەرەسالمی# 29 کەس گیران و شوێنبزرکران، هەروەها لە گوندی #ئەسکەندەر بەگ# 39 کەسیان دەستگیرکرا و شوێنبزرکران, گوندی #کەڵکەسماق#ی لە هەمان شاڵاودا بەشێک لە دانیشتووانەکەی ئەنفالکراون.
بە هەموویانەوە لە شاڵاوی ئەنفالی چواردا نزیکەی 237 گوند لەناو بران، هەروەها نزیکەی (5500) کەس لە ناوچەکانی شاڵاوی ئەنفالی چواردا دەستگیرکران و شوێنبزرکران. [1]
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 368
Donnez votre avis sur ce produit!