بەهار هات شەماڵی کوێستان
فووی کرد بە سازی دارستان
تەپڵی هەور و چەپڵەی باران
سنجی دڵۆپەی میچ و داران
سەمای شەپۆلی ڕووباران
بەستە و نەغمەی بەرخ و کاران
حەنجەرەی قەڵبەزەی ئاوان
ئاکوردی بۆقی شەتاوان
چەقەنەی سێرووی سەر داری
ئاوازی کۆڕی پاساری
مۆسیقایەکی قەدیمە
سانفۆنیایەکی عەزیمە
بۆیە زەویش ڕادەپەڕێ
لاپەڕی ژین وەردەگەڕێ
چنار هەموو سەما دەکەن
گەڵا هەموو هەڵدەپەڕێ
بە مۆسیقای سەوزی بەهار
عەجەب داوەتێک دەگەڕێ[1]
#1994-04-28#
#بەردەڕەشان#
هۆنەر: #ناسر ئاغابرا-ژاکاو#
پەرتووکی: #کەژاوەی دڵ#
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 47
Donnez votre avis sur ce produit!