ڕەنگە ئێستا، خۆشەویستیی منت لەلا
وەکوو خەوێک بێتە بەرچاو
وەکوو مۆمێ کە چەند شەوێ
لە ژوورێکی بچکۆلەدا، داتئەگیرساند
بۆ ماوەیەکی کەم خایەن
تابلۆی ژیانی داهاتووت پێ ئەنەخشاند
دیارە ئەوینی من لەلات
وەک جگەرە هاتە بەرچاو، لەدوای کێشان
سووتووی عومرم، لەژێر پێتا
پێشێڵ کرا...!
یان وەک پەڵە هەوری بەهار
سوارکارێ بووم
بۆ ماوەیەکی کەم خایەن دام لە بواری ئاسمانت
لە دواییدا لە ئاسۆتا سوور هەڵگەڕام
بووم بە پەڵە و
بەسەر سیمای خۆشەویستی و عەشقەکەتدا
دیاری کرام!
وا ڕۆیشتی بێ ناونیشان! [1]
هۆنەر: #ژیلا حسێنی#
پەرتووکی: #گەشەی ئەوین#
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 43
Donnez votre avis sur ce produit!