ئاسمان لێفە بێت پێی داناپۆشرێت
لێفە، پێخەوێکە لە پەڕۆ و لۆکە و دەزوو درووست دەکرا، پانییەکەی مەتر و بیست سانتیمەتر و درێژییەکەی نزیکەی 2مەتر یان مەتر و هەشتا سانتیمەتر بوو، بەو کەسەی ئەو کارەی دەکرد دەوترا: لێفەدروو، بۆ شەوی زستانان لە کاتی خەودا بەخۆدا دەرا ، خەوی زۆر خۆش بوو هەم نەرم هەمیش گەرم بوو، پیرەژنان دەیانوت: تڕ و سڕی خۆم لێفە شڕەی خۆم، مرۆڤ لەش و جەستەی بە جلوبەرگ دادەپۆشێت و ناهێڵێتت شوێنی شەرمی بەدیار بکەوێت، ئەگەر کەسێک شوێنی شەرمی بەدەرەوە بێت ئارەقەیەک دەکات لە شەرمان سوور دەبێتەوە، ئەو لێفەیە لەگەڵ گەورەیی و فراوانی حەوت ئاسمانەکان ئیدیۆمێکیان لێ درووست بووە بۆ کەسێک بەکاردەهێنرێت کە هێندە (عەیب و عار) و پۆخڵەوات و کاری ناشیرین و قێزەون و کوشت و کوشتار و داوێنپیسی و بەدڕەوشتی ئەنجام دابێت، کە بەهیچ شتێک نەشاردرێتەوە و دانەپۆشرێت دەوترێت: ئاسمان لێفە بێت پێی داناپۆشرێت.[1]
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 43
Donnez votre avis sur ce produit!