لە مانگی ڕابردوو لە چەند یاریگەیەکی کوردستان گرژی و کاری نەخوازراو لە لایەن هاندەرانی یانەکان ڕوویدا.
بۆ دۆزینەوەی ڕێگەچارە و گەڕان بەدوای هۆکاری ئەم کێشە و گرفتانە بڕیاری ڕاگرتنی هەردوو خولی نایاب و پلەیەکی کوردستانماندا، بە خۆشحاڵیەوە ئەمڕۆ لە دوو کۆبوونەوەی جیاواز لەگەڵ هەریەک لە سەرپەرشتیاری یاری و ناوبژیوانان و سەرپەرشتیاری تیپ و ڕاهێنەران و کاپتنی یانە پلەنایاب و پلەیەکەکانی کوردستان دانیشتین، بەش بەحاڵی خۆم هەردوو کۆبوونەوەکەم بە کارێکی یەکجار باش و بەرهەمدارم دیت، گەشبین لە داهاتوو ئەم کارانە بنبڕ دەبێت یان هەر لە حالەتێکی بچووک دەمێنێتەوە و نابێتە دیاردە.
جێی خۆیەتی لێرەدا سوپاسی هەموو ئەوانە بکەم، کە لە کۆبوونەوەکەی ئەمڕۆ ئامادەبوون و ئەزیەتیان کێشا، سوپاسیان دەکەم بۆ ڕەخنە و پێشنیارە جوان و بەجێیەکانیان، جارێکی تریش دڵنیایان دەکەمەوە هەموو قسەکانیان بە هەند وەردەگیرێت و کاری لەسەر دەکەین.
لە کۆتاییشدا سوپاسی زانکۆی سەڵاحەددین دەکەین، بۆ پێدانی هۆڵی ڕۆشنبیری و کۆمەڵایەتی زانکۆکەیان، سوپاسی تایبەتیش بۆ دکتۆر بەسیم عیسا بەرێوەبەری هۆڵەکە، ئەمڕۆ لەگەڵمان ماندوو بوو، لەگەڵ ڕێزم بۆ ئێوەی ئازیز هەر شادبن.
#سەفین کانەبی#
سەرۆکی یەکێتی تۆپی پێی کوردستان
#29-12-2018#

ئێوارەی یەکشەممە #29-01-2023# ( #تاریق عەبدولڕەحمان# ) سەرۆکی #یەکێتی تۆپی پێی کوردستان# لەبارەگای یەکێتیەکە لە ڕێگای ئۆنڵاین بەشداری کۆبوونەوەی ساڵانەی کۆنیفای کرد و تیایدا سەرۆکی کۆنیفا (پێر ئەندریەس بلێند ) و ئەندامانی بەشدار بوون ، کۆبوونەوەکە زیاتر بۆ یەکتر ناسینی سەرۆک و ئەندامان بوو لەنێوان یەکتر کە بەم دواییە ژمارەیەک هەرێم وەک ئەندام زیاد کراوون لە کۆنیفا، بڕیاریشە پاڵەوانێتیەکە فراوانتر بکرێت بەهۆی ئەوەی ژمارەیەک هەرێمی تر وەک ئەندام هاتوونەتە نێو کۆنیفا و بەنیازن بەشداری لەپاڵەوانێتیەکانی داهاتوو بکەن .
ڕاگەیاندنی یەکێتی تۆپی پێی کوردستان.
[1]

بە مەبەستی پشکنین و هەڵسەنگاندنی یاریگەکەیان ، ئێوارەی ڕۆژی سێشەممە #12-09-2023# هەریەک لە بەڕێزان تاریق عەبدول ڕەحمان سەرۆکی یەکێتی ناوەندی تۆپی پێی کوردستان و سیروان نەجمەدین سکرتێری یەکێتییەکە سەردانێکی مەیدانی یاریگەی فەرماندەیی تایبەت بە #یانەی وەرزشی پێشمەرگەی سلێمانی#یان کرد.

ئەمە و لەنێو کارگێڕی یاریگەکە وسام محەمەد بازگ ئەندامی دەستەی کارگێڕی یانەی پێشمەرگە پێشوازی لە سەرۆک و سکرتێری یەکێتی ناوبراو کردوو پاشان یاریگاکەیان بەسەر کردەوە و ڕاو سەرنجەکانی خۆیان خستە ڕوو ، سەبارەت بەو سەردانەی شاندی یەکێتی تۆپی پێی کوردستان بۆ یاریگەی فەرماندەی تایبەت بە یانەی پێشمەرگە، وسام محەمەد ئەندامی دەستەی کارگێڕی یانەی پێشمەرگە و سەرپەرشتیاری گشتی تیپی تۆپی پێی یانەکە بە پێشمەرگە سپۆرتی ڕاگەیاندوو وتی ، یاریگەی فەرماندەیی تەواوی پێداویستییەکانی بۆ فەراهەم کراوە و ئەوەی بۆ یاریگە پێویست بێت ئێمە وەک یانەی پێشمەرگە ئامادەمان کردووە.

وسام وتیشی دوایی سەردانی شاندی یەکێتی تۆپی پێی کوردستان بە شێوەی زۆر باش هەڵسەنگاندنیان بۆ یاریگەی فەرماندەیی کردوو بە یەکێک لە باشترین یاریگەکان ناوزەندیان کرد.
سەرپەرشتیاری گشتی تیپی تۆپی پێی یانە ئاماژەی بەوەشکرد کە یاریگاکانی یانەی پێشمەرگە هەمیشە نۆژەنکردنەوەیان بۆ دەکرێت و سەرجەم پێداویستییەکانیان بۆ ئامادە دەکرێت.
[1]

ئەم بابەتە بەپێی ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!

سڵاوێکی وەرزشی...
بەرێز جەنابی سەرۆکی حکومەتی هەرێمی کوردستان، بەر لە یازدە ساڵ #یەکێتی تۆپی پێی کوردستان# دامەزرا، لەم ماوەیشدا یەکێتییەکەمان زۆرترین چالاکی پێشکەش بە سەرجەم یانە وەرزشییەکان و ناوبژیوانان و ڕاهێنەران و یاریزانان و تەواوی جەماوەری وەرزشی و تایبەت یاری تۆپی پێ کردووە، بێگومان هەموو ئەمانەش بە پشتگیری و پاڵپشتی حکومەتی هەرێمی کوردستان بەرێزتان بووە، کە هەمیشە لە خەمی بەره و پێشچوونی وەرزش و وەرزشوانان کوردستان دابوویت، کە جێگەی ڕێز و سوپاسە.
بەرێز جەنابی سەرۆکوەزیران، بەر لە شەڕی نەگریسی داعش و خراپی باری دارایی کوردستان، ئێمە لە ساڵێکدا چەندان چالاکییمان لەسەر ئاستی کوڕان و کچان، لە تەمەنە جیاوازەکان لە یاری تۆپی پێ ئەنجامداوە، وەک خولی نایاب و پلەیەکی فوتساڵی کچان، خولی نایاب و پلەیەکی تازەپێگەیشتووانی کوردستان، خولی نایاب و پلەیەکی لاوانی کوردستان، خولەکانی پلە نایاب و پلەیەک و پلەدوو و پلەسێی کوردستان، هەروەها چەندان خولی ڕاهێنان و ناوبژیوانیمان لە ناوەوە و لە دەرەوەی کوردستان ئەنجامداوە.
لە ساڵی 2012 توانییمان بۆ یەکەمجار میوانداریی پاڵەوانیەتی جامی (ڤیڤا)، کە تایبەتە بە هەڵبژاردەی هەرێمەکان بکەین و هەڵبژاردەی کوردستانیش پلەی یەکەمی پاڵەوانیەتییەکەی بەدەستهێنا، لە ساڵی 2015 یش لە وڵاتی نەرویج هەڵبژاردەی لاوانی کوردستان توانی نازناوی پاڵەوانیەتیی جامی (نۆروەی کەپ) بباتەوە، بەڵام بە داخەوە دوو ساڵە بە هۆی قەیرانی دارایی هەرێمی کوردستان، لاوەکانمان لە بەشدارییکردنی ئەم پاڵەوانیەتییە بێبەشن.
بەرێز جەنابی سەرۆکی حکومەتی هەرێمی کوردستان، ئێمە لە دۆخی ئابووری وڵات تێدەگەین و دەزانین ئەرکتان قورسە، بۆیە پارساڵ پەنامان بردە بەر کەرتی تایبەت و سەرکەوتوویش بووین، کە توانیمان خەرجی خولی نایابی تۆپی پێی کوردستان لە وەرزی 2015/2016 لە ڕێگەی کارتی تایبەت و سپۆنسەر دابین بکەین، بەڵام بە هۆی قەیرانی دارایی ئێستا کەرتی تایبەت و کۆمپانیاکانیش ئامادەنین، بڕە پارەی پێویست بۆ خولەکانی کوردستان دابین بکەن، بۆیە لە پێناو بەردەوامی چالاکییەکانی یەکێتی تۆپی پێی کوردستان، کە بە گەورەترین چالاکی وەرزشی لە ئاستی کوردستان لە زاخۆ تا خانەقین دادەنرێت، بۆیە داوا لە بەرێزت دەکەین لووتف بفەرموویت و بودجە و پارەی پێویست بۆ چالاکییەکانی یەکێتی تۆپی پێی کوردستان دابین بکەن.
لە ماوەی ڕابردوو بە هۆی چالاکییەکانی یەکێتی تۆپی پێی کوردستان، توانیمان ناوبژیوانانی کورد بگەینین بە ئاستی نێودەوڵەتی و چەندان یاریزانی کورد لە ڕیزی هەڵبژاردەی عێراق یاری بکەن و، ئێستا‌ بە گرێبەستی گرانبەها لە یانەکانی بەغدا و بەسرە لە خولی عێراق یاریی دەکەن، گومانی تێدا نییە هەموو ئەمانە لە بوونی چالاکییەکان یەکێتی تۆپی پێی کوردستان هاتنە بوون و دروست بوون، بۆیە وەستان یان ئەنجامنەدانی چالاکییەکانی یەکێتییەکەمان کاریگەی خراپی لەسەر گەنج و لاوەکانمان دەبێت، ئێمە هەست دەکەین لەبەر دواکەوتنی چالاکییەکانمان یاریزانان و لاوەکانی کوردستان جارێکی تر بەره و هاندەران کۆچ دەکەن، لە بری ئەوەی کاتەکانیان لە نێو وەرزش بەسەر ببەن، لە شوێنی ناتەندروست و ناوەرزشی بەسەری دەبەن، هیوادارم جارێکی دیکە بەرێزت ئەم ئەرکە لە ئەستۆ بگریت و بە دابینکردنی بودجەی پێوێست وەرزشوانان و وەرزشدۆستان دڵخۆش بکەیت.
لەگەڵ ڕێزم...
#سەفین کانەبی#
سەرۆکی یەکێتی تۆپی پێی کوردستان
12-08-2017

یەکێکە لە یەکێتییە وەرزشییەکانی حکومەتی هەرێمی کوردستان، بە فەرمی لە ساڵی 2006 دامەزراوە و ساڵانە سەرپەرشتی خولە ناوخۆییەکانی تۆپی پێ دەکات، لە سەرجەم شارەکانی هەرێمی کوردستان.
لۆگۆکەیان لەسەر شێوازی ئاڵای پیرۆزی کوردستان ڕەنگەکانیان داناوە و بەکارهێنانی ڕەنگی شین وەک یەکەم سەردرێسی یانەکە بەردەوام لە لۆگۆکەیان ئاماژە پێکراوە.
[1]

ڕٶژی شەممە 31/8/2019 بە ئامادەبوونی سەرۆک و سەرجەم ئەندامەکانی، یەکێتی تۆپی پێی کوردستان کۆبوونەوەی ئاسایی خۆی ئەنجامدا و، ئەم بڕیار و ڕاسپاردانەی دەرکرد:
1- کۆبوونەوەی هونەری لەگەڵ نوێنەرانی یانەکانی پلەنایاب و پلەنایابی لاوان و پلەیەک و نایابی فوتساڵی کچان ئەنجامدرا، دوای گفتوگۆیەکی چڕ و پڕ دەستکرا بە ڕاکێشانی تیروپشک بۆ هەر چوار خولی نایاب و نایابی لاوان و پلەیەک و نایابی فوتساڵی کچانی کوردستان، ئەم بڕیارانەیش درا:
أ - بە بۆنەی دەستپێکی وەرزی نوێی چالاکییەکانی یەکێتی تۆپی پێی کوردستان، بڕیاردرا بە لێبوردنی گشتی بۆ سەرجەم سزاکانی سڕ کردن و غەرامەکردنی سەر (یانەکان، کارگێرییەکان، ستافی هونەری، یاریزانان، سەرپەرشتیاران و ناوبژیوانان)، بە هیوای ئەوەی هەموو ئەوانەی بە بەر لێبوردنی گشتی کەوتوون هەڵەکانیان دووبارە نەکەنەوە و ئامانجیان خزمەتکردن و پێشکەوتنی وەرزشی کوردستان بێت، بە پێچەوانەوە ئەگەر هەریەک لەوانەی سزاکانیان لەسەر نەماوە هەڵە بکاتەوە، سزاکانیان توندتر و قورستر دەبێت.
ب - دەستپێکی خولەکانی کوردستان بەمشێوەیەی خوارەوە دەبێت:
• خولی نایابی کوردستان 24/10/2019.
• خولی نایابی لاوانی کوردستان 25/10/2019.
• خولی پلەیەکی کوردستان 27/11/2019.
• خولی نایابی فوتساڵی کچانی کوردستان 13/12/2019.
2- سەرجەم یاریزانانی لە دایکبووی 2000 کە بۆ تیپی لاوانی یانەکان یارییان کردووە، ئازادن بۆ هەر یانەیەک یاری دەکەن، جگە لەم سێ یاریزانەی یاری بۆ تیپی لاوانی یانەکانیان دەکەن، کە یەکێتی تۆپی پێی کوردستان پێشتر بڕیاری لەسەر دابوو.
3- لە خولی نایابی فوتساڵی کچانی کوردستان، بۆ هەر یانەیەک ڕێگە بە سێ یاریزانی دەرەوەی پارێزگەکان دەدرێت، کە یاری بۆ یانەیەکی دەرەوەی پارێزگەی خۆیان بکەن، هەروەها هەر یانەیەک بۆی هەیە یەک یاریزانی دەرەوەی هەرێم یاری بۆ بکات.
4- لەگەڵ دەستپێکی وەرزی نوێی چالاکییەکانی یەکێتی تۆپی پێی کوردستان، گۆڕانکارییە نوێیەکانی یاسایی تۆپی پێ لە خولەکان پەیڕه و دەکرێت.
5- پێویستە لەسەر سەرجەم یانە بەشداربووەکانی چالاکی یەکێتی تۆپی پێی کوردستان، وانەی یاساکانی تۆپی پێ بە ڕاهێنەران و یاریزان بگوترێتەوە، کە لە سێ کاتژمێر کەمتر نەبێت.
6- بڕیاردرا بە کردنەوەی خولێکی ناوبژیوانی لە شاری #زاخۆ#.
7- داوا لە نوێنەرانی یانە سەرکەوتووەکانی قۆناغی کۆتایی خولی پلەیەکی تازەپێگەیشتووانی کوردستان دەکەین، ڕۆژی شەممە #07-09-2019# لە کاتژمێر 12:00 ی نیوەڕۆ، بە مەبەستی ئەنجامدانی کۆبوونەوەی هونەری و چۆنیەتی ئەنجامدانی قۆناغی کۆتایی، لە بارەگەی یەکێتییەکەمان ئامادەبن.
8- لە وەرزی 2019/2020 لە خولەکانی فوتساڵی کچانی کوردستان، مەرجە ڕاهێنەر یان یاریدەدەری ڕاهێنەر لە ڕەگەزی مێینە بێت.
9- بڕیاردرا بە کردنەوەی خولی ڕاهێنەرایەتی فوتساڵ، بۆ ئە ڕاهێنەرانەی بڕوانامەیان نییە.
10- هەر خولێکی ڕاهێنەرایەتی ئاسیایی (c) لە هەر شارێکی کوردستان بکرێتەوە، ئەگەر پێشتر ڕەزامەندی یەکێتی تۆپی پێی کوردستانی لەسەر نەدرابێت، هەر ڕاهێنەرێک بەشداری تێدا کردبێت کار بە بڕوانامەکەی ناکرێت.
11- سەرجەم ستافی هونەری یانەکانی پلەنایاب و پلەیەکی کوردستان، پێویستە بڕوانامەی ڕاهێنەرایەتی باوەڕپێکراوی یەکێتی تۆپی پێی کوردستانی هەبێت، بە پێچەوانەوە مافی ڕاهێنەرایەتی نابێت.

چوارشەممە 16-11-2022 بە ئامادەبوونی سەرۆک و جێگر و سەرجەم ئەندامانی یەکێتی تۆپی پێی کوردستان کۆبوونەوەی ئاسایی خۆیان ئەنجامدا، لە کۆبوونەوەکەدا چەندین بڕیار و ڕاسپاردە دەرکران سەبارەت بە یارییەکانی خولی نایابی کوردستان و یانە پلە یەکەکانی کوردستان، بڕیار و ڕاسپاردەکان بەمشێوەیە بوون:
1- ئەنجامدانی کۆبوونەوەی هونەری بۆ یانە بەشداربووەکانی خولی فوتساڵی کچان ڕۆژی یەکشەممە 20-11-2022 کاتژمێر 11ی بەیانی لەبارەگای یەکێتی تۆپی پێی کوردستان.
2- سەبارەت بە یاری نێوان #یانەی هەندرێن# و یانەی دەربەندیخان:
بەپێی بەندی 9 لە تۆماری سزاکان خاڵی 7ی تایبەت بەیاریزانان بڕیاردرا بە ڕاگرتنی یاریزانی یانەی هەندرێن ژمارە 32 (محەمەد شێرزاد) بۆ 3 یاری و پێ بژاردن بەبڕی 500 هەزار دینار بەهۆی ڕەوشتی ناوەرزشی و نابەجێ بەرانبەر بە دەستەی ناوبژیوانان.
3- سەبارەت بە یاری نێوان یانەی بازیان و یانەی خاک:
بەپێی بەندی 9 لە تۆماری سزاکان خاڵی 8ی تایبەت بە کارگێڕی و ڕاهێنەران بڕیاردرا بە ڕاگرتنی یاریدەدەری ڕاهێنەری یانەی بازیان (مستەفا عومەر) بۆ 3 یاری و پێ بژاردن بەبڕی 500 هەزار دینار بەهۆی ڕەوشتی ناوەرزشی بەرانبەر بە دەستەی ناوبژیوانان.
4- بەهۆی کەمتەرخەمی یانەی بازیان لە ئامادەکردنی ئۆتۆمبێلی فریاکەوتن بڕیاردرا بەپێ بژاردن بەبڕی 250 هەزار دینار بە دووبارە بوونەوەی سزای کارگێڕی و دارایی توندتر دەدرێن.
5- دەسنیشانکردنی دەستەی ناوبژیوانان و سەرپەرشتیارانی گەڕی 7 ی خولی نایابی کوردستان و گەڕی 2ی خولی پلە یەکی کوردستان.[1]

ئەمڕۆ شەممە #04-01-2020# بە ئامادەبوونی سەرۆک و جێگر و سەرجەم ئەندامەکانی، یەکێتی تۆپی پێی کوردستان کۆبوونەوەی ئاسایی خۆی ئەنجام دا و ئەم بڕیار و ڕاسپاردانەی خوارەوەی دەرکرد.
1- نووسراوی یەکێتی تۆپی پێی کوردستان لقی #سلێمانی# بە ژمارە 149 لە ڕێکەوتی 16/12/2019 پەسند کرد، کە خولێکی ڕاهێنەرایەتی (C) ئاسیاییان ئەنجامداوە، بەڵام تاکو ڕێکەوتی 16/12/2020 ناتوانن خولی ڕاهێنەرایەتی (C) ئاسیایی بکەنەوە.
2- ئاگاداری سەرجەم ڕاهێنەران دەکەینەوە، دوا دەستپێکردنی یارییەکانی قۆناغی دووەمی خولی نایابی کوردستان پێویستە بڕوانامەی باوەرپێکراویان ئامادە بکەن، بە پێچەوانەوە مافی ڕاهێنەرایەتیان لە یانەکانیان نابێت.
3- ئاگاداری یانەی هەڵۆ دەکەینەوە، پێویستە لە یارییەکانی داهاتوویان لە خولی پلەیەکی کوردستان، ژووری جلگۆڕینی یاریزانان و توالێتەکانیان بە پاک و خاوێنی ئامادە بکەن، بە پێچەوانەوە تووشی سزا دەبن.
4- ڕاگرتنی سەرپەرشتیاری یاری (تاریق سەعید) بۆ ماوەی یەک مانگ، ئەمەیش بە هۆی پابەند نەبوون بە ڕێنماییەکانی یەکێتی تۆپی پێی کوردستان لە یاری نێوان #چەمچەماڵ# و #هەڵەبجە#ی شەهید، لە خولی یانە پلەیەکەکانی کوردستان، کە کەسانێکی زۆر بێ بوونی باجی تایبەت لە نێو یاریگە ئامادە بووینە.
5- ئاگاداری سەرجەم سەرپەرشتیارانی یارییەکان دەکەینەوە، پێش تەواو بوونی یارییەکان بە پێنج خولەک، جگە لە ڕاگەیاندنکارانی وەرزشی هیچ کەسێکی دیکە بۆی نییە بێتە نێو یاریگە، ئەمەیش بۆ سەلامەتی سەرپەرشتیار و ناوبژیوانان و یاریزانان، بۆ ئەوەی ڕاگەیاندنکارانیش کارەکانی خۆیان بە باشی ئەنجام بدەن.
6- ئاگاداری سەرۆکی یانەی سەیدسادق دەکەینەوە، بە زوترین کات پەیوەندی بە یەکێتی تۆپی پێی کوردستان بکات بۆ کاری پێویست.
7- دوا لێکۆڵینەوەیەکی ورد لە ڕووداوەکانی یاری نێوان سیروانی نوێ و #زاخۆ# لە گەڕی نۆیەمی خولی نایابی لاوانی کوردستان، بڕیاردرا بە:
أ - دابەزاندنی تیپی لاوانی نایابی یانەی زاخۆ بۆ ڕیزی یانە پلەیەکەکانی لاوانی کوردستان بۆ وەرزی 2020/2021.
ب - هەژمارکردنی دووی یاری داهاتووی یانەی زاخۆ بە ئەنجامی (3-0) گۆڵ لە بەرژەوەندی یانەی بەرامبەری، ئەمەیش بە پێی ڕێنماییەکانی یەکێتی تۆپی پێی کوردستان لە پەڕاوی 2019/2020.
ت - ڕاگرتنی ئەم یاریزانانەی خوارەوە لە تیپی لاوانی یانەی زاخۆ بۆ ماوەی یەک ساڵ لە ڕێکەوتی #04-01-2020# تاکو 4/1/2021
1- ئەحمەد چیایی ژمارە 7
2- یوسف ئەیوب ژمارە 6
3- شڤان مەحموود ژمارە 12
4- عەلی عەبدولرەقیب ژمارە 10
5- زانا شڤان ژمارە 3
6- بێوار فەریق ژمارە 77
7- عومران سامی ژمارە 17
8- وەلید وشیار ژمارە 4
9- کۆڤان سالم ژمارە 9
10- هۆگر عەلی ژمارە 22
پ - کارپێنەکردنی بڕوانامەی یاریدەدەری ڕاهێنەرای لاوانی زاخۆ (تاهیر حەمدی) هەروەها ڕاگرتنی بۆ ماوەی دوو ساڵ.
ج - ڕاگرتنی یاریدەدەری پزیشکی یانەی لاوانی زاخۆ (عیسا حوسێن) بۆ ماوەی دوو ساڵ.
ح - ڕاگرتنی ئەم یاریزانانەی تیپی لاوانی یانەی سیروانی نوێ بۆ ماوەی یەک ساڵ لە ڕێکەوتی #04-01-2020# تاکو 4/1/2021
1- ژیار نامیق ژمارە 3
2- دیدار سیروان ژمارە 16
3- بیلال مەجید ژمارە 14
خ - گواستنەوەی یاری داهاتووی لاوانی یانەی سیروانی نوێ بۆ یاریگەی یانەی کۆیە.
8- ئەم بڕیارانەی سەرەوە تایبەت بە ڕووداوەکانی یاری نێوان لاوانی سیروانی نوێ و زاخۆ، دوای لێکۆڵێنەوەیەکی ورد لە لایەن لێژنەی پێکهاتوو لە لایەن یەکێتییەکەمان بە پشتبەستن بە ڕێنماییەکانی یەکێتی تۆپی پێی کوردستان لە پەڕاوی 2019/2020، لە خاڵی (16) بڕگەی (ب) لە لاپەڕە (10) و خاڵی (17) لە لاپەڕە (14) دراوە، بە هیوای ئەوەی لە داهاتوو ئەم جۆرە کێشە و گرفتانە دووبارە نەبنەوە و، بە هەموو لایەکمان هەوڵی بنبڕکردنی ئەم جۆرە ڕەفتارانە بە تایبەت لە تیپەکانی تازەپێگەیشتووان و لاوان بدەین.
04-01-2020

بابەت: وەرزشی
بە ئامادەبوونی جێگری سەرۆک و سکرتێر و ئەندامانی یەکێتی تۆپی پێی کوردستان کۆبوونەوەی ئاسایی خۆی ئەنجامدا و تیایدا ئەم بڕیار و ڕاسپاردانەی خوارەوەی دەرکرد .
1– یەکێتی تۆپی پێی کوردستان پیرۆزبایی لە هەردوو #یانەی وەرزشی ئافرەتانی هەولێر# و #یانەی وەرزشی زاخۆ# دەکات بە بۆنەی بەدەستهێنانی پلەی یەکە م و دووەمی خولی فوتساڵی کچانی کوردستان بۆ وەرزی 2022 – 2023 .
2 –سەبارەت بە یاری نێوان یانەی ئافرەتانی هەولێر و یانەی سەید سادق:
بەهۆی ئامادەنەبوونی یانەی سەید سادق لەیاری چوارگۆشەی زیڕینی خولی فوتساڵی کچانی کوردستان ، بڕیاردرا بە پێژاردن بەبڕی یەک ملیۆن دینار .
3 – ڕاسپاردنی لیژنەی ڕێککاری و سزادان بۆ بەدواداچوون بە پەڵپی یانەی بەردەڕەش لەسەر یانەی شیلادزێ .
4 – سەبارەت بە یاری نێوان یانەی خەبات و یانەی سنوور:
بەهۆی وەرگرتنی کارتی سوور لەلایەن ناوبژیوانی یاری بۆ ڕاهێنەری یانەی سنوور ( بارزان ئەیوب ) ، بڕیاردرا بە پێبژاردنی بە بڕی 250 هەزار دینار .
5 – سەبارەت بە یاری نێوان یانەی خورماڵ و یانەی هەڵەبجەی شەهید:
أ - بەهۆی دەرچوونی لەگیانی وەرزشی بەرانبەر بە ناوبژیوانانی یاری ، بڕیاردرا بە ڕاگرتنی پزیشکی یانەی خورماڵ ( ئیسحاق ڕەشید ) تاکۆتایی خول و پێبژاردن بە بڕی 250 هەزار دینار .
ب - بەهۆی دەرچوونی لەگیانی وەرزشی بەرانبەر بە ناوبژیوانانی یاری ، بڕیاردرا بە ڕاگرتنی یاریزانی یانەی خورماڵ ژمارە 33 ( هونەر تەها ) تاکۆتایی خول و پێبژاردن بە بڕی 250 هەزار دینار .
6 – سەبارەت بە پەڵپی یانەی هەڵەبجەی شەهید لەسەر یانەی خورماڵ:
دوای بەدواداچوون و لێکۆڵینەوە دەربارەی ناوەرۆکی پەڵپی یانەی هەڵەبجە بۆمان دەرکەوت کەوا یانەی خورماڵ ساختە و سەرپێچی کردووە لە باجی ڕاهێنەر و چەند کەسێکی دەستەی هونەری لە پێدانی باجەکانی یەکێتی تۆپی پێی کوردستان کەوا ئەو باجانەیان بە کەسانێک داوە هەڵگری هەمان ناوی سەر باجەکان نەبوون .
ئەمەش پێچەوانەی ڕێنمایەکانی یەکێتی تۆپی پێی کوردستان و یاساکانی تۆپی پێیە ، دەچێتە کاری سەختەکاری و فێڵکردن لە ناوبژیوانان و سەرپەرشیاری یاری .
بۆیە بڕیاردرا بە:
أ- پێبژاردنی یانەی خورماڵ بەبڕی 2 ملیۆن دینار .
ب- دوورخستنەوەی ئەم ناوانەی خوارەوە بۆ ماوەی دوو وەرز (2023-2024 و2024 – 2025 ) لە چالاکییەکانی یەکێتی تۆپی پێی کوردستان .
1 - عەتا حەمید .
2 – ستار ئەنوەر .
3 – نەورەس فاروق .
4 – سامان ڕەئوف .
ج – ڕاگرتنی ( تالیب کامیل ) سەرپەرشتیاری یانەی خورماڵ بۆ دوو یاری وە ئامادەبوونی لە کۆبوونەوەی داهاتووی یەکێتی تۆپی پێی کوردستان .
ڕاگەیاندنی #یەکێتی تۆپی پێی کوردستان#
#11-06-2023#
[1]