ساڵی 1949 لە کەرکووک لەدایکبووە.
خوێندن
سەرەتایی و ناوەندیی و ئامادەیی لە
کەرکوککەرکوک تەواوکردووە، پاشان کۆلێژی پزیشکی زانکۆی
موسڵموسڵی تەواوکردووە.
چالاکی
لە تەمەنی گەنجێتییەوە لەڕیزەکانی
یەکێتیی قوتابیانی کوردستانیەکێتیی قوتابیانی کوردستاندا کاریکردووە.
لەساڵی 1971 هەڵبژێردرا بە ئەندامی مەکتەبی سکرتاریەت و بوو بەلێپرسراوی لقی موسڵ و دهۆکی یەکێتی قوتابیانی کوردستانی عیراق، لەڕیزەکانی
پارتی دیموکراتی کوردستانپارتی دیموکراتی کوردستاندا کاریکردووە، دوای کارکردن لە نەخۆشخانەی کۆماریی کەرکوک وەکو پزیشک چووەتە ریزەکانی ناو شۆڕشی کوردستان و لەکاری پزیشکیی بەردەوامبووە تا تێکچوونی شۆڕش دوای 6ی ئازاری 1975.
لەساڵی 1976 وەک پزیشکی تایبەتی سەرۆک مەلا
مستەفا بارزانیمستەفا بارزانی، پێکەوە چوونەتە ئەمریکا و لەوێ ماوتەوە، بەردەوامبووە لە خوێندن تا پسپۆڕی (بۆردی) وەرگرت لە (Neurosurgery) (جراحة الجملة العصبیة) لە دانشگای جورج واشنتۆن و لەکاری خۆی بەردەوامبووە.
لێپرسراوێتی زۆری وەرگرتووە و یارمەتی ژمارەیەکی زۆری دکتۆری کوردی داوە بۆئەوەی وەربگیرێن و لە نەخۆشخانەکان و پسپۆڕی وەربگرن.
دکتۆر نەجمەدین عومەر کەریم، بەردەوامبووە لە کاری سیاسی کوردایەتی لەگەڵ خوێندن و کاری پزیشکی.
لەساڵی 1988 لەگەڵ چەند هاوڕێیەکی
کۆنگرەی نەتەوەیی کوردکۆنگرەی نەتەوەیی کورد KNC یان لە باکوری ئەمریکا دامەزراند، لەساڵی 1991-1999 دا سەرۆکی کۆنگرەکە بووە.
لە 15-06-1990 یەکەم کورد بووە لە بەردەم ئەنجومەنی پیرانی ئەمریکادا قسەبکات بۆ بەرگریکرد لە مافی گەلی کوردو ئاشکراکردنی تاوانەکانی ئەنفال و کیمیاباران.
لەمانگی 4/1991 دا یەکەم کۆبوونەوەی رەسمی وەکو کورد لەگەڵ وەزارەتی دەرەوەی ئەمریکادا سازکردووە و بووەتە وتەبێژی سەرەکی کورد لە میدیاکانی ئەمریکا لەسەر کێشەی کورد، هانی وەزارەتی دەرەوەی ئەمریکای داوە بۆ کۆبوونەوە لەگەڵ بەرەی کوردستانی وەکو نوێنەری شەرعی کوردستانی عیراق.
لەساڵی 1991 رۆڵی سەرەکی هەبوو بۆ دامەزراندنی بەشی کوردی دەنگی ئەمریکا کە لەساڵی 1992 دەستی بەپەخش کرد.
لەساڵی 1996 ئەنیستیتیوتی کوردی لە واشنتۆن دامەزراند کە تائێستاش سەرۆکی Washinsku Kurdish instute.
بەشداری کۆبوونەوەی کۆنگرەی نیشتمانی عیراق INC کرد لە ڤیەننا وە پاشان هەڵبژێردرا بۆ مەکتەب تەنفیزی.
لە مانگی 12/2002 دا بەشداری کۆنگرەی ئۆپۆزسیۆنی عیراقی کرد لە لەندەن و هەڵبژێدرا بە یەکێک لەو 65 کەسەی سەرکردایەتی و بەشداری کۆبوونەوەی سەڵاحەدینی کرد لە مانگی 2/2003 دا.
ئێستا ئەندامی بۆردی چەند رێکخراو و زانکۆیەکە، وەکو زانکۆی ناوەڕاستی فلۆریدا کە چوارەم گەورەترین زانکۆی ئەمریکایە، جێگری سەرۆکی ئەنستیتیوتی کوردی پاریس- ە.
لە زۆر رۆژنامە و پڕۆگرامی تەلەفزیۆن لە ئەمریکا، ئەوروپا، کەنەداو رۆژهەڵاتی ناوەڕاستدا بەشداریکردووە، بەشداری کۆبوونەوەکانی ئەمریکاو جیهانی کردووە کە پەیوەندی بەکێشەی کوردەوە هەبووە، وتاری نوسراوی بڵاوکراوەتە لە رۆژنامە بەناوبانگەکانی ئەمریکا وەکو نیویۆرک تایمز، واشنتۆن پۆست، لوس ئەنجلس تایمز، واشنتۆن تایمز، هەروەها زۆر گۆڤارو رۆژنامەی تر.
بەشداری کۆبوونەوەی پاریسی کردووە بۆ ئاشتبوونەوەی پارتی و یەکێتیی لەساڵی 1994 دا.
یارمەتی مەسەلەی کوردی لە هەموو پارچەکانی کوردستاندا داوە، بەشداری کۆبوونەوەکانیان بووە، کۆنفرانس و سیمیناری بۆیان رێکخستووە و سەردانی سەرکردەکانیانی بۆ ئەمریکا رێکخستووە و یارمەتیداون.
کاندیدی لیسی هاوپەیمانی کوردستانی لە پارێزگای کەرکوک بۆ هەڵبژاردنی پەڕڵەمانی ئێڕاق لە 2010دا.
[1]
ماوەیەکی زۆر پارێزگاری شاری کەرکوک بووە.
رۆژی 14-09-2017 بەپێ بڕیاری ئەنجوومەنی نیشتمانیی ئێڕاق بەزۆرینەی دەنگەکان (بێ لە نوێنەرە کوردەکان) لە پۆستی پارێزگاری کەرکوک لابرا.
⁉️ تایبەتمەندییەکانی بابەت - Meta-data
|
| 📷 فایلی وێنە |
1.0.1 | 14 KB |
| |
Jan 6 2009 9:24PM | هاوڕێ باخەوان |