جەوهەر نامیقجەوهەر نامیق سالم لە ساڵی 1946 لە گوندی
بەرلوتبەرلوت سەر بە قەزای کەلار (ناوەندی ئیدارەی
گەرمیانگەرمیان) لە بنەماڵەیەکی نیشتیمان پەروەر لە دایک بووە، بنەماڵەکەیان تێکەلی خەباتی سیاسی و کوردپەروەری بووە و باوکی (نامیق سالم) یەکێک بووە لە ئەندامەکانی حزبی هیوا لە سنوری گەرمیان، جەوهەر نامیق لە هەڕەتی لاوێتیدا دەچێتە ریزی یەکێتی قوتابیانی
کوردستانکوردستان و لەوێوە دەست بە کاری رێکخراوەیی و سیاسی دەکات و له و دەمانەی لە ریزی ئه و رێکخراوەدا بە کەسێکی چوست و چالاک دەناسریت لای هەموان.
جەوهەر نامیق لە سەرەتای حەفتاکانی سەدەی رابردوو قۆناغێکی تر لە کاری سیاسی خۆی دەست پێ دەکات و دەچیتە ریزی
شۆڕشی ئەیلولشۆڕشی ئەیلولەوە و سەرەتا لەناو ریزەکانی
پارتی دیموکراتی کوردستانپارتی دیموکراتی کوردستان، پاشتر دەبێتە کارگێڕی لقی سێی پارتی و لێرە بە دواوە زیاتر دەبێتە جیگەی متمانەی هاورێ و هاوسەنگەرانی بە تایبەت خوالێخۆشبوو مەلا مستەفای بارزانی، لە پاش نسکۆی شۆڕشی ئەیلول لە ساڵی 1975 بە دواوە جەوهەر نامیق دەبێتە یەکێک له و کەسانەی کە بە نسکۆی شۆڕش نیگەران و دڵتەنگ دەبێت و ئەمەیش وا دەکات کە دەست بە ئامادەکاری بکات سەبارەت بە هۆکارەکانی ئه و نسکۆیە و دووبارە دەست کردنەوە بە شۆڕش و هەستانەوە، لە سەر راسپاردەی مەلا مستەفای بارزانی هاوڕێ لەگەڵ چەند هەڤاڵێکی یەکێک دەبێت له و کەسانەی کە دەست بە هەستانەوە دەکەن بە گوڕوتینێکی تر و لەژێر ناوی قیادە موقەتە (سەرکردایەتی کاتی) جارێکی تر شۆڕش جۆش دەدەنەوە هەر بۆیە لە 26-5-1976 لە ناوەی کوردستان جاڕی
شۆڕشی گوڵانشۆڕشی گوڵان دەدرێتەوە کە ئه و کات جەوهەر نامیق بە (سەلیم سۆرانی)لە نێو هەڤاڵەکانی ناسراو بوو، یەکەمین بەیاننامەی شۆڕشی گوڵان لە لایەن جەوهەر نامیقەوە ئامادە کرا بە ناوی (کوردستان گۆڕەپانی راستەقینەی خەباتە) لەم بارەیەوە مەسعود بارزانی دەنوسێت رۆڵی کاک جەوهەر لە سەرکردایەتی کاتی قەد لە بیر ناکرێت....
لێرە بە دواوە جەوهەر نامیق چەندین پۆست و بەرپرسیارێتی لە نێو ریزەکانی پارتیدا وەر دەگرێت لەوانە ئەندامی کۆمیتەی ناوەندی، ئەندامی مەکتەبی سیاسی، لە سەروبەندی راپەرینە مەزنەکەی خەڵکی کوردستان بەرپرسی میحوەری
کەرکوککەرکوک – گەرمیانی بەرەی کوردستانی بووە.
جەوهەر نامیق لە پاش یەکەمین هەڵبژاردنی
پەرلەمانی کوردستانپەرلەمانی کوردستان لە 19-5-1992 و لە یەکەمین کۆبوونەوەی پەرلەماندا لە 4 ی حوزەیراندا دەبێتە یەکەمین سەرۆکی پەلەمانی کوردستان و تا ساڵی 1999 وەک سەرۆک مایەوە، لە ژیانی پەرلەمانتاریدا جگە لە دەر کردنی چەندین یاسا و بڕیار لە سەردەمی ئەودا خاوەنی گەلێک شکۆمەندیە کە دیار ترینیان بریتین لە دەرکردنی یاسای فیدراڵی بۆ هەرێمی کوردستان لە 4-10-1992، یاسای ئاڵای هەرێمی کوردستانی عێراق لە 11-11-1999، پەناگیری نێو پەرلەمان بۆ ماوەی (103) رۆژ لەگەڵ پەنجاو هەشت هاوڕێی پەرلەمانتاریدا لە دژی شەڕی ناوخۆ و بەرقەرار بوونی ئاشتی و دژی دەست وەردانی داگیرکەران بوو بۆ خۆشکردنی ئه و شەڕە نەگریسە.
جەوهەر نامیق لە پاش پرۆسەی ئازادی عێراق لە نیسانی 2003 وازی لە کاری سیاسی بە تایبەت لە ریزەکانی پارتی دیموکراتی کوردستان هێنا، سەرباری واز هێنانی لە کاری حزبی بەڵام بوو بە رەخنەگرێکی جدی و بەردەوام هەوڵی چاکسازی دەدا لە نێو حزب و حوکمەتدا، بەشێکی تەمەنی بۆ نوسین و خوێندەوەی وورد تەرخان کرد، لە پاش دروست بوونی بزوتنەوەی گۆڕانیش لە زۆر جاراندا پشتیوان و پشتگیری کاری ئۆپۆزسیۆن بوو لە کوردستان و بە مۆدێلێکی نوێی لە کاری سیاسی دەزانی، هەر چەندە بۆ خۆی دەرچووی کۆلێژی ئابوری بووە لە بەغدا بەڵام خاوەنی چەندین بەرهەمە لەوانە : ئایا فیدراڵیەت وەک خیارێکی سیاسی لە عێراق پیادە دەکرێت، ئەزمونی کوردی لە بزاڤە پەندۆڵییەکەیدا، کورد لە گەمەی دەقە یاساییەکاندا.
جەوهەر نامیق پاش بە رێ کردنی تەمەنێک لە ژیانی چەکداری و سیاسی و پەرلەمانتاری و خۆ تەرخان کردن بۆ رەخنە گرتن و نوسین لە 22-03-2011 لە ووڵاتی سوید بە نەخۆشی شێرپەنجەی جگەر کۆچی دوای کرد و پاشتر لە بەشێک لە راگەیاندنەکانەوە گومان لەسەر مردنەکەی دروست بووە، دوو کوڕ و کچێکی لە پاش بە جێ دەمینێ، پاشتر لە رێ و رەسمێکدا تەرمەکەی هێنرایەوە بۆ زیدی خۆی لە بەرلوت لە گەرمیان و لە رێ و رەسمێکی شایستەدا بە خاک سپێردرا. لە 17-04-2012 لە گۆڕستانی بەرلوت لە ساڵیادی کۆچی یەکەمین سەرۆکی پەرلەماندا رێو رەسمێک بە ئامادەبوونی ژمارەیەک لە بەرپرسانی حزبی و حوکمی بەڕیوە چوو.
[1]| 🗄 سەرچاوەکان |
| [1] | ⚫ دیارینەکراو | 🏳️ کوردیی ناوەڕاست | ئامادەکردنی ژیاننامە : سەباح عەلی جاف |
|
| 📷 فایلی وێنە |
1.0.1 | 11 KB |
| |
Nov 3 2009 11:46AM | هاوڕێ باخەوان |