شارەدێی باوەنور دەکەوێتە سەر ڕێگای سەرەکی #کەلار#- #سلێمانی#، لە نێوان هەردو شارۆچکەی کەلار و #دەربەندیخان#، #ڕووباری سیروان# بەتەنیشت ئەم شارەدێیەدا تێپەڕ دەبێت.
لە ڕوی کارگێڕیەوە سەر بە قەزای کەلارەو 32 گوند لەخۆدەگرێت، ژمارەی دانیشتوانی نزیک بە 10هەزارە.
دانیشتوانی ئەم شارەدێیە بەزۆری فەرمانبەر و مامۆستان، بەشێکی دیکەیان دوکان و بازاڕەکان بەڕێوەدەبەن.
مێژووی دروست بونی ئەم شارەدێیە دەگەڕێتەوە بۆ ساڵانی 1910 بۆ 1920، چەند ئاسەوارێکی کۆنی مێژویشی لێیە کە مێژوەکەیان دەگەڕێتەوە بۆ سەردەمی عوسمانی و سەفەوی.
ئەم شارەدێیە پێگەیەکی ستراتیژی هەیە بۆ ناوچەی گەرمیان، و کەسایەتی ڕۆشنبیر، سیاسی، شاعیر، هونەرمەند و یاریزانی زۆری تیادا هەڵکەوتوە، لە ڕاپەڕینەکەی گەلی کورددا باوەنور چەخماخە و دەروازەی ڕاپەڕینی ناوچەی گەرمیان بوە.
لە ئێستادا کاردەکرێت بۆ پڕۆژەی بەنداوی باوەنور و پاش تەواوبوونی بە یەکێک لە گەورەترین بەنداوەکانی کوردستان دادەندرێت.