مانگی ڕابردو لە سنووری هەرێمی کوردستان 488 حاڵەتی توندوتیژی تۆمارکراون و تیایدا #هەولێر# لەکوشتن و #سلێمانی#ش لەدەستدرێژی سێکسی پلەی یەکەمیان گرتووە.
هەولێر، ئاوێنەنیوز: بەپێی ئامارێکی ڕەسمی بەڕێوبەرایەتی بەرەنگاربوونەوەی توندوتیژی دژ بەژنان لە مانگی حوزەیرانی ڕابردودا، لەشار و ناوچەکانی هەرێمی کوردستان 488 حاڵەتی توندوتیژی تۆمارکراون. ڕوونیشیدەکاتەوە، هەولێر لەکوشتن یەکەمە و سلێمانیش لەدەستدرێژی سێکسی یەکەمە. بەپێی سایتی، وارڤین، یش لەئامارەکەدا دیارترین تاوانی ژن کوشتن لە#دهۆک# بەتوندوتیژی هەژمارنەکراوە..
ئاماری بەڕێوەبەرایەتییەکە کە لە ڕێگەی نووسینگەکانییەوە بەپشتبەستن بەراپۆرتی پۆلیس و نەخۆشخانە ئامادەی دەکات بەم جۆرەیە:
پارێزگای هەولێر:
117 توندوتیژی دژی ژنان ئەنجامدراوە و حاڵەتەکانیش بەم شێوەیەیە:
کوشتن 3، خۆکوشتن 3، سووتان 14، خۆسووتان 8، سکاڵا 148، سێکسی 1.
پارێزگای دهۆک:
109 حاڵەتی توندوتیژی تۆمارکراون و حاڵەتەکانیش بەم شێوەیە بوون:
کوشتن 0، خۆکوشتن 0، سووتان 2، خۆسووتان 2، سکاڵا 104، سێکسی 1.
پارێزگای سلێمانی:
105 حاڵەتی توندوتیژی تۆمارکراون و ئەو پارێزگایە لەروی دەستدرێژی سێکسییەوە وەک چەند مانگی ڕابردو لەپلەی یەکەمدا ماوەتەوە و حاڵەتەکانی توندوتیژیش بەم شێوەیە بوون:
کوشتن 0، خۆکوشتن 0، سووتان 5، خۆسووتان 2، سکاڵا 89، سێکسی 9.
ئیدارەی #گەرمیان#:
حاڵەتەکانی توندوتیژی ڕویان لەکەمبوون کردووە و ئەو حاڵەتانەی تۆمارکراون بەم شێوەیەیە:
کوشتن 1، خۆکوشتن 1، سووتان 1، خۆسووتان 1، سکاڵا 48، سێکسی 0.
ئیدارەی ڕاپەڕین:
کەمترین حاڵەتی توندوتیژی تۆمارکراوە و حاڵەتەکان بەم شێوەیە بوون:
کوشتن 0، خۆکوشتن 0، سووتان 2، خۆسووتان 0، سکاڵا 50، سێکسی 0.
کۆی گشتی حاڵەتەکانی توندوتیژی لە سنووری ئیدارەی هەرێمی کوردستاندا لە مانگی حوزەیران-یۆنیۆی 2013 بەم شێوەیەیە:
کوشتن 4، خۆکوشتن 4، سووتان 24، خۆسووتان 13، سکاڵا 432، دەستدرێژی سێکسی 11و سەرجەمیشیان 488 حاڵەتن.
بەبەراورد لەگەڵ مانگی حوزەیرانی ساڵی ڕابردودا، توندوتیژییەکان زیادیانکردووە، هەرچەندە لەئامارەکەی ساڵی ڕابردودا حاڵەتی ئەشکەنجەدان تۆمارکراوە، بەڵام ئەمساڵ هیچ حاڵەتێکی ئەشکەنجە تۆمارنەکراوە و بەبەراورد لەگەڵ ئامارەکەی ساڵی ڕابردو، لە هەولێر توندوتیژی زیادیکردووە، بەو پێیەی ساڵی پار یەک حاڵەتی کوشتن و 110 حاڵەتی توندوتیژی تێدا تۆمارکرابو.
هەروەها لە سنووری پارێزگای سلێمانیدا ساڵی ڕابردو 191 حاڵەتی توندوتیژی تۆمارکراوە و لەدهۆک 62 حاڵەت و لە گەرمیان 57 حاڵەت بووە.
لەئامارەکەی ئەمساڵی بەڕێوبەرایەتی بەرەنگاربوونەوە توندوتیژی دژ بەژنان، دیارترین تاوانی کوشتنی دوو ژن لەدهۆک بەتاوانی توندوتیژی دژی ژنان هەژمارنەکراوە.
شەوی چوارشەممە-پێنجشەممە (19-20 / حوزەیران-یۆنیۆ / 2013) کاتژمێر 9:00ی شەو، لەنزیک ماکسی مۆڵی شاری دهۆک، هەڵکەوتو لەرۆژهەڵاتی ئەو شارە، پیاوێک بەناوی (نەزمی م) ، کە پلەی عەمید بووە.و پێشتر بەرپرسی بەشی ژمێریاری فەرماندەیی دهۆک بووە. بەدەستڕێژی گولە هاوسەرەکەی خۆی و خەسوەکەی و برایەکی هاوسەرەکەی کوشت و کەسێکی دیکەی لەپاسەوانەکانی بریندارکرد و سەرەنجام خۆیشی کوشت.
وەک ڕاگەیەنرا، ئەو تاوانە بەهۆی دەمەقاڵێی خێزانییەوە ئەنجامدرا، بەڵام بەڕێوبەرایەتییەکە ئەوەی وەک تاوانی دژی ژن هەژمار نەکردووە.
شەرمین زەکی زندی ماوەی دوو ساڵ بوو ژیانی هاوسەرگیری لەگەڵ عەمید نەزمی پێکهێنابوو، دوو منداڵی لێی هەبو.
س: وارڤین
-23-07-2013