Hesenê Metê (jdb. 1957, Erxenî, Diyarbekir) nivîskar û novelnivîsekî kurd e. Berhemên wî ji kurdî hatine wergerandin ji bo zazakî, tirkî, swêdî û îngilîzî.

Jînenigarî
Hesenê Metê di sala 1957an de li gundê Tayan yê Erxeniya Diyarbekirê hatiye dinyayê. Ji ber sedemên malbatî di 11 an 12 saliyê xwe de ji gundê xwe derketiye.[2][3] Çend salan li Nisêbînê û li Diyarbekirê jiyaye. Dibistana navîn û lîse li bajarê Mersinê yê Tirkiyeyê xelas kiriye.
Di geremolên salên 70-80an de ji ber sedemên siyasî çend caran hatiye girtin û di girtîgehê de maye.[3] Di dema derbeya sala 1980an de ji welêt derketiye û çûye Îranê. Li wir tevlî pêşmergeya KOMELA Zehmetkêşê Kurdistana Îranê bûye. Piştî wê, çûye başûrê Kurdistanê. Li gelek gund û bajêrên başûrê pêşmergetî kiriye. Di vê demê de bi pêşmergeyên YNKyê re pîyeseke ku nehatiye weşandin nivîsiye û derxistiye sehneyê, ku ji hêla Celal Talebanî û jina wî Hero Xanim ve hatiye temaşekirin. Vê serpêhatiya xwe di hevpeyvînekê de wisa vegotiye: Tiştekî balkêş bû ji bo min, wek edebî. Ji bo min wekî bîranîneke xweş bû. Aniha reîsê Iraqê jî temaşeya vê tiyatroya min kiriye. Nivîskariya min li vê derê dest pê kir.
Wî sê sal pêşmergetî kiriye. Pişt re daketiye Sûriyê û ji wir jî bar kiriye SwêdêKengî, di çi salê de?.[3] Hesenê Metê hê jî li Swêdê dijî.

Pirtûkên Hesenê Metê yên ku heta niha çap bûne:
1.Merivên reben, Wergera Бедные люди ya Fyodor Dostoyevskî, 185 r., Weşanên Welat, 1991. ISBN 91-971254-8-2.
2.Smîrnoff, Çîrok, 95 r., Weşanên Welat, Stockholm, 1991. ISBN 91-971254-1-5.
3.Ardû, Çîrokên Gelêrî, 173 r., Weşanên Welat, Stockholm, 1991. ISBN 91-971254-4-X.
4.Labîrenta cinan, Roman, 197 r., Welat Publishers, Huddinge, Swêd, 1994. ISBN 91-971254-7-4.
5.Epîlog, Çîrok, 141 r., Weşanên Nûdem, Järfälla, Swêd, 1998. ISBN 91-88592-35-9.
6.Keça Kapîtan, Wergera Капитанская дочка ya Pûşkîn, 1998.
7.Tofan, Çîrok, 88 r., Weşanxaneya Apec, Spånga, Swêd, 2000. ISBN 91-89014-76-6.
8.Jiyana rastîn, Göran Tunström (werger) Weşanxaneya Apec, 2004
9.Ansîklopediya Zarokan (Children's Encyclopaedia), bi Amed Tigris, Mehmud Lewendi, Seyidxan Anter, Ali Ciftci, 236 r., Weşanxaneya Apec, Swêd, 2004. ISBN 91-89675-32-0.
.Gername, Weşanxaneya Apec, 2005
10.Gotinên Gunehkar, Roman, 151 r., Weşanên Avesta, Stembol, Tirkiye, 2007. ISBN 978-9944-382-33-5.
11.Li Dêrê, Roman, 102 r., Weşanên Nûdem, Stembol, Tirkiye, 2011. ISBN 978-60587811-1-5.
12.Pêsîrên dayê, Çîrok, 130 r., Weşanxaneya Apec, Spånga, Swêd, 2013. ISBN 978-91-86139-74-2.
13.Îşev û çîroka dawîn, Çîrok, 90 r., Weşanxaneya Peywend, Stembol, Tirkiye, 2014. ISBN 978-60585387-7-1
14.Hefsar, Roman, 94 r., Weşanxaneya Peywend, Stembol, Tirkiye, 2018. ISBN 978-60581608-2-8