رەڤەند گوهەرزی
بەرپرسی ڕاگەیاندنی هاتووچۆی پارێزگای دهۆک: لە ماوەی سێ ڕۆژدا 12 ڕووداوی هاتووچۆ لە سنووری پارێزگاکە ڕوویداوە و 28 قوربانی لێکەوتووتەوە و دوو لەوانە دایکێک و کچەکەی بوون.
رائید ئازاد تەها، بەرپرسی ڕاگەیاندنی هاتووچۆی پارێزگای دهۆک، بە خەندانی ڕاگەیاند: "لە ماوەی سێ ڕۆژدا لە سنووری پارێزگای دهۆک 12 ڕوودای هاووچۆ ڕووویانداوە و زەرەروزیانی گیانی و ماددی زۆری لێکەوتووتەوە".
رائید ئازاد تەها وتی: "لە ڕۆژانی 25-26-27ی ئەم مانگە لە دەوورووبەری شاری دهۆک دوازدە ڕووداوی هاتووچۆ ڕووویاندوە کە زۆربەی ئه و ئۆتۆمبێلانە بارهەڵگر و تەکسی بوون".
وتیشی: "زۆربەی ئه و ڕووداوانە بە هۆی پابەندنەبوونی شۆفێران بە ڕێنماییەکانی هاتووچۆ ڕوویانداوە".
بەرپرسی ڕاگەیاندنی هاتووچۆی پارێزگای دهۆک، ڕایشیگەیاند : "بە داخەوە لە ئەنجامی ئه و ڕووداوانەدا شەش کەش گیانیان لە دەستدا کە دوانیان پیاو بوون و چواری تریش ژن بوون، دوو لەوانە دایکێک و کچکەی بوون و 22 کەسیش برینداربوون".
- 30-03-2015