📊 بابەت 376,040 | وێنە 59,741 | پەڕتووک PDF 11,160 | فایلی پەیوەندیدار 44,655 | 📼 ڤیدیۆ 168 | 🗄 سەرچاوەکان 15,113
لەم کاتەدا 10 میوان لەسەر ماڵپەڕی کوردیپێدیا ئامادەیە!
🏠|📧|دەربارە!|پەڕتووکخانە|📅
🏠 دەستپێک|📧 پەیوەندی|💡 دەربارە!||
|
📅 ئەمڕۆ 10-08 لە مێژوودا
📅کڕۆنۆلۆژیای رووداوەکان
📅 رۆژەکان
📆10-08-2020
📆09-08-2020
📆08-08-2020
📆07-08-2020
📆06-08-2020
📆05-08-2020
📆04-08-2020
📂 زۆرتر ...
📅10 August
📝 بەڵگەنامەکان
📊 ئامار و راپرسی
✌️ شەهیدان
💚 ئەنفالکراوان
☪ قوربانیی شەڕی دەوڵەتی ئیسلامی - داعش
😞 قوربانیی شەڕی ناوخۆ
👩 قوربانیی توندوتیژی
📅 رۆژی لەدایکبوون
📅 رۆژی کۆچی دوایی
✌️ دەلال هونەر
تەمەنی 6 ساڵان بووە، ڕیکەوتی 09-08-2018 لەگەڵ دایکی و دوو خوشکی لە دەریای ئیجەدا خنکاون.
👫 ڕوئیا هاشمی
سەرلەبەیانیی رۆژی سێشەممە 08-08-2017، لە کۆمۆنی ئایدسڤۆڵی دەوروبەری شاری ئۆسڵۆ، پۆلیسی نۆڕوێژ لە کاتی پشکنین بۆ رووداوێکی هاتوچۆ، تەرمەکەیان دۆزیوەتەوە.
خەڵکی شاری سنەی رۆژهەڵاتی کوردستان لەناو ئۆتۆمبێلکدا دەدۆزێتەوە و دەمودەست شۆفێری ئۆتۆمبێلەکە دەستبەسەر دەکات. بەپێی راپۆرتی پۆلیس کە لە رۆژنامەکانی نۆڕوێژدا بڵاو کراوەتەوە،لە بەدواداچوونێکی کورتدا، دەردەکەوێ کە بکوژی رۆئیا، شۆفێری ئۆتۆمبێلەکە و دەزگیرانی خودی رۆئیا بووە و بکوژ دانی بەوەدا ناوە کە لەناو ئۆتۆمبێلەکەدا دەگەڵ رۆئیا دەمەقاڵییان لێ
👫 ئارام تیگران
هونەرمەند و گۆرانیبێژێکی کوردزمانی ئەرمەنییە. لە ساڵی 1934 لە شاری قامیشلۆ لەدایکبووە. لەگەڵ بنەماڵەکەیاندا بۆ ئەرمەنستان کۆچیان کردووە و لە 18 ساڵیدا کاتێک سەرەتایی تەواو کردووە٬ بووەتە کارمەند لە رادیۆی ئەرمەنستان. لە 8ەمین میهرەجانی چاند و هونەری ئامەددا بەشدار بووە و گۆرانییەکی بۆ ئامەد داناوە. خاوەنی 12 سی دی - یە و بە هەر سێ زمانی ئەرمەنی و کوردی و عەرەبی گۆرانیی وتووە.
هونەرمەند لە 08-08-2009 بە نەخۆشیی شێرپەنجە کۆچی دوایی کرد.
👫 ئازاد شەوقی
ژیاننامە
ئازاد شەوقی لەساڵی 1929 لە شاری هەولێر چاوی بۆ ژیان هەڵهێناوه، لە بنەماڵەیەکی ناسراو و دیاری شاری سلێمانییە، خوێندنی سەرەتایی لە شاری دیوانییەی باشووری ئێراق تەواوکردووە و قۆناغی ناوەندی و دواناوەندیی لەشاری کەرکوک و پەیمانگای هونەرەجوانەکانی لە شاری بەغدا تەواو کردووه، پاشان بۆماوەی 13 ساڵ سەرپەشتیاری پەروەردەیی بووە لە شاری سلێمانی.
سەرەتای کاری هونەریی لە پەیمانگای هونەرەجوانەکانی بەغداوە دەستیپێکردووه، لەژیانی هونەرییدا دەیان پێشانگای نایابی کردۆتەوه، کەسەرجەمی تابلۆکانی گوزراشت ل
📝 بزوتنەوەی گۆڕان، بەیاننامەیەک لەسەر دۆخی هەرێمی کوردستان بڵاودەکاتەوەو رایدەگەیەنێت کە بەشداری گۆڕان لەحکومەت مەکرەمەی پارتی نیە و ئیستحقاقی هەڵبژاردنی خۆیەتی گۆڕان، جەخت دەکاتەوە حساب بۆ هیچ جۆرە هەڕەشەو گوڕەشەیەک ناکات | 🏷️ پۆل: بەڵگەنامەکان | زمانی بابەت: 🏳️ کوردیی ناوەڕاست | 👁️‍🗨️
✍️
بزوتنەوەی گۆڕان، بەیاننامەیەک لەسەر دۆخی هەرێمی کوردستان بڵاودەکاتەوەو رایدەگەیەنێت کە بەشداری گۆڕان
📝 بەڵگەنامەکان


هاوڵاتیانی سەربەرزی کوردستان
پێشمەرگە قارەمانەکانی کوردستان
حزب و لایەنە سیاسیەکان، رێکخراوەکانی کۆمەڵگای مەدەنی
لەم چەند رۆژەدا کەبارگرژییەکی مەترسیدار باڵی بەسەر هەرێمەکەماندا کێشاوە، بزوتنەوەی گۆڕان لە چوارچێوەی ستراتیجیەتی کارکردنیدا هەر لەسەرەتای دروستبونیەوە، کەجەختکردنە لەسەر بنەماکانی کاری جەماوەری و مەدەنی و پاڵپشتیکردنی داخوازییە رەواکانی جەماوەر و، پشتگیری لە ناڕەزایەتییە ئاشتیخواز و شارستانییەکانیان بێ توندوتیژی کردووە.
لەم ساتەوەختەدا کە گۆڕان و لایەنەکانی تر سەرقاڵی هەوڵی بەردەوامن لەگەڵ هەموو لایەنە پەیوەندیدارەکاندا لە پێناو پاراستنی ئارامی و گیانی هاوڵاتیان کەپێشتریش لە هەوڵێکی چڕدا بوو لەگەڵ لایەنە سیاسییەکان‌و بە تایبەت پارتیدا لەسەر مەترسییەکانی قۆناغەکەو چارەسەرنەکردنی کێشە کەڵەکەبوەکانی هەرێم، قەیرانی دارایی و بێموچەیی و بێکاری و نادادپەروەری کۆمەڵایەتی و قۆرخکاری بازاڕ و قەیرانی سەرۆکایەتی هەرێم، کە دەمانزانی ئەو چارەسەر نەکردنە هەرێمەکەمان بەرەو ئایندەیەکی خەتەرناک دەبات و رقی جەماوەر لەم بارودۆخەدا لە لێواری تەقینەوەدایە، کەچی پارتی بە پێچەوانەی گیانی بەرپرسیارێتی و روحی پێکەوە ژیان و هەوڵی چارەسەرکردنی کێشەکان، لەبەیاننامەیەکی نامەسئولانەدا دور لەهەر جۆرە عورفێکی سیاسی دەستی داوەتە کۆمەڵێک تەشهیر و بوختان و چەواشەکاری.
جەماوەری خۆڕاگری کوردستان:
بزوتنەوەی گۆڕان، کە لە زنجیرەیەک هەڵبژاردندا، متمانەو دەنگی راستەقینەی سەدان هەزار هاوڵاتی کوردستان بەدەستهێنا و لە ئاست داخوازییەکانیاندایە، لە پاش چوار ساڵ کاری ئۆپۆزسیۆنیی سەرکەوتوو سەربەرزانە لە پەرلەمانی کوردستانداو پاش ئەوەی وەک هێزی دووەمی هەرێم دەنگی شایستەی خۆی بەدەستهێنا، سەرباری هەموو جۆرە دەستکورتی و رێگری و دژایەتییەک، بڕیاریدا بەشداری لە کابینەی هەشتەمی هەرێمدا بکات لە پێناو چاکسازی و عەدالەتی کۆمەڵایەتی و بەدیهێنانی داخوازی هاوڵاتیانی کوردستان و بەشداریکردن لە بنیاتنانەوەی دامودەزگاکانی هەرێمدا. لەو پێناوەدا بەڵێنی کاری جدی و راستەقینەی دا، دوور لە بوغزی سیاسی و تۆڵەکردنەوە، بە گیانی بەرپرسیارێتی و کاری هاوبەش و تەباییەوە، بە ئومێدی چوار ساڵی پڕ لە ئارامی لە پێناو چاکسازی و دژایەتی گەندەڵی و جێگیرکردنی دامودەزگا شەرعیەکاندا.
گۆڕان بە گوڕوتینەوە، راستگۆیانە قۆڵی لێهەڵماڵی و ئامادەبوو چەند وەزارەتێک وەربگرێت و لەو رێگایەوە هەوڵەکانی خۆی لە پێناو چاکسازیدا چڕ بکاتەوە.
بەشداریکردنی گۆڕان لە کابینەی هەشتدا مەکرەمەو پاداشتی هیچ لایەنێک نییە، بەڵکو بەشێکە لە ئیستحقاقی هەڵبژاردن کە گۆڕانی وەک هێزێکی کاریگەری خاوەن جەماوەر دەرخست کە بە هیچ شێوەیەک بواری پەراوێزخستنی نیە. بەشداریکردنی گۆڕان لە حکومەتی هەرێمدا بەشێکە لە جێبەجێکردنی بەڵێنەکانی کە بە خەڵکی کوردستان و دەنگدەرەکانی داوە.
بەهەمان شێوەش مانەوەی گۆڕان لە حکومەتدا تەنها پەیوەستە بە رادەی مانەوەی متمانە لە نێو هێزە بەشداربووەکانی کابینەکەو ئاستی جێبەجێکردنی داخوازییەکانی جەماوەرەوە. بە پێچەوانەوە هیچ هێزو لایەنێک بۆی نییە بڕیار لەسەر مەوقعی سیاسی گۆڕان بدات.
خەڵکی کوردستان، گەنجانی خێرلەخۆ نەدیوی نیشتمانەکەمان:
پارتی لەم بەیاننامەیەیدا، کە بەنەفەسی ساڵانی شەری نەگریسی ناوخۆدا نوسیوێتی، کەتوانای روبەڕووبونەوەو چارەسەرکردنی قەیرانەکان و هەستکردن بە بەرپرسیارێتی نەماوەو لە ئاست ئەو کێشە ناوخۆیی و دەرەکیانەی روبەروی هەرێمدا بونەتەوە دۆشداماوەو بێ ئاسۆیەو هیچ هەنگاوێکی راستەقینەی پێنانرێت، کە لە بناغەشدا خۆی هۆکاری سەرەکی دروستبوونی ئەو کێشانە بووە، بە زمانێک قسە دەکات وەک ئەوەی ئەو خاوەنی ئەم نیشتمانە بێت و سەرجەم هێز و لایەنەکانی تر میوانی سەر سفرەی ئەو بن.
هەر بۆیە لەم راگەیاندنە نەفەس کورتەدا دوور لە هەنگاونان و هەوڵدان بۆ دۆزینەوەی چارەسەری گونجاو بۆ کێشەکان و گەمارۆدانی بارگرژییەکان، کە بە رۆکی هەموو لایەنەکانی گرتووە، دوور لە قسەکردن لەسەر ئەسڵی کێشەکان و داخوازیە رەواکانی خەڵک، لە بری بەڵێندان بۆ گەڕاندنەوەی پارەوسامانی بەهەدەردراو و نەوتی تاڵانبراوی کوردستان و پێدانی موچەی فەرمانبەران و مامۆستایان‌و دوور لە پێدانی وەڵامێکی دروست بۆ سەرجەم نیگەرانیەکانی هاوڵاتیان، حەق بە خۆی ئەدات وەک تەنها هێزی بەرپرس قسە بکات، باس لە بەرگری کردن لە کوردستان دژ بە داعش بکات لە کاتێکدا هەموو خەڵکی کوردستان دەزانن لە شەو ورۆژێکدا چەندین شاری ئەم کوردستانەی بۆ داعش بە جێهێشت و گەر هێزی هاوپەیمانان و هێزە کوردستانییەکان و دۆستانی گەلەکەمان فریای دۆخەکە نەکەوتبان هەولێری پایتەختیش لە ژێر مەترسیدا بوو.
پارتی لەم راگەیاندنەدا لە بری مژدەی دەوڵەتی کوردی کە ساڵانێکە بازرگانی بەو دروشمەوە دەکات، پەیامی دوو ئیدارەیی و دوو هەرێمی بە گوێی گەلەکەمان دەدات و بە تەواوەتی کار بۆ لەتکردنی هەرێمەکەمان و لایەنە سیاسیەکان و قۆرخکردنی دەسەڵات دەکات، کە ئەوە پێچەوانەی یاسا بنەڕەتییەکان و ئیرادەو ویستی جەماوەری کوردستان و خەونی شەهیدە نەمرەکانمانەو لە ئاستی نێودەوڵەتیشدا ئەزمونەکەمان لەکەدار دەکات.
ئێمە سەرباری ئەوەی نامانەوێت وەڵامی وشە ئاست نزم و دەستەواژە نابەرپرسەکانیپارتی بدەینەوە، کە لە ئاستێکی سیاسی نزم و دور لە گیانی پێکەوە کارکردن و پاراستنی بەرژەوەندییە باڵاکانی نیشتمانەکەماندا نوسراوەو نیشانەی هەناسە سواری و دورکەوتنەوەی یەکجارەکی ئەو حزبەیە لە داواکانی خەڵک و کاری هاوبەش لەگەڵ لایەنەکاندا لەسەر بنەمای رێزگرتن لە ئیرادەی یەکتر، بەڵکو بە عەقڵیەتی حزبی قائد و پاوانخوازی، کە هیچ سەنگێک بۆ لایەنەکانی تر دانانێت کار دەکات، بۆیە لێرەدا رایدەگەیەنین:
یەکەم: شەڕی ئێستای پارتی لەسەر کورسی سەرۆکایەتی هەرێم و دەستگرتنە بە کورسی دەسەڵاتەوە لە لایەن سەرۆکی پارتییەوە دوور لە یاساو پرنسیپی دەستاو دەستکردنی ئاشتیانەی دەسەڵات، نەک لەسەر قوت و ژیان و دابینکردنی خزمەتگوزاری بۆ هاوڵاتیان.
ئەو کودەتایەی پارتی بەرانبەر گۆڕان هەوڵدانە بۆ لەباربردنی پرۆسەی سیاسی و چاکسازی ریشەیی و ئیفلیجکردنی پەرلەمان و حکومەت کە گۆڕان تێیدا لەگەڵ لایەنە سیاسییەکانی تردا کاری بۆ دەکات.
دووەم: بزوتنەوەی گۆڕان پێداگری لەسەر داخوازییە رەواکانی مامۆستایان و فەرمانبەران و توێژەکانی تری کۆمەڵگا دەکات و داوا دەکات هەموو هەوڵ و تەقەلای حکومەت و لایەنەکان لەم قۆناغەدا چارەسەرکردنی دەستبەجێی ئەو قەیرانە سەختانە بێت کەبەرۆکی به هاوڵاتییان گرتوە. بزوتنەوەی گۆڕان وەک هەمیشە ئامادەیی تەواوی هەیە بۆ کارکردن لەم پێناوەدا.
سێیەم: پرسی سەرۆکایەتی هەرێم کە بەشێوەیەکی نەخوازراو وەک بەشێک لە عەقڵییەتی پاوانخوازی هێنراوەتە نێو پرسەکانی تری کۆمەڵگاوە، دەبێت لە چوارچێوەی یاسا بەرقەرارەکانی هەرێم و هەوڵە سیاسیەکان لەماوەیەکی کورتدا دوور لە کۆبونەوەی نەزۆکی بێئاکام چارەسەر بکرێت.
چوارەم: گۆڕان بە هەموو شێوەیەک تەحریم و تەجریمی هەر جۆرە کارێکی توندوتیژی دەکات بۆ سەر هاوڵاتیان و تەقەلێکردن و شەهیدکردنیان، لە هەمان کاتیشدا دژی هەر جۆرە هێرش‌و پەلامارێکە بۆ سەر میدیاکاران و بارەگا حزبی و حکومییەکان.
پێنجەم: داوا لە هەموو لایەنە سیاسیەکان و دەزگا حکومیەکان دەکەین لەم قۆناغە سەختەدا بەئەرکی خۆیان هەستن و هەوڵەکانیان بۆ هێورکردنەوەو ئارامی بخەنە کار نەک قوڵکردنەوەی کێشەکان و زیادکردنی بارگرژی، کە لەبەرژەوەندی گەلەکەماندا نییە.
پشتیوانی لە هەوڵی ئاسایش و پۆلیس و پێشمەرگە دەکەین کە بەئەرکی خۆیان هەستاون و داواکارین گیانی هاوڵاتیان و موڵک و ماڵی گشتی و بارەگا حکومی و حزبییەکان بپارێزن.
شەشەم: گۆڕان حساب بۆ هیچ جۆرە هەڕەشەو گوڕەشەیەک ناکات. ئەو زمان و شێوازی قسەکردنەی مەکتەبی سیاسییەکەیان و بەشی زۆری بەرپرسانی پارتی و میدیاکانیان، لە ئاستێکی نزمی دیالۆگی سیاسیدایە کە شایانی لەسەروەستان نییە.
دەبێت پارتی بگەڕێتەوە بۆ سەر هۆشی خۆی و بە مەنتقی ململانێی سیاسی و دور لە تەخوین و غرور و لە چوارچێوەی کاری سیاسی لەکۆمەڵگایەکی دیموکراتی مەدەنیدا رۆڵی خۆی بگێڕێت و لە زمانی نابەرپرسانەو لە خۆباییانە دور بکەوێتەوەو پێکەوە ژیان و زمانی دەوڵەتداری بەکاربهێنێت.
حەوتەم: دڵنیاین کە ئەم ناڕەزایەتیە جەماوەرییانە خۆپیشاندانێکی عەفەوییەو بەشێک نییە لە پلانێکی پێشوەختی داڕێژراو بەڵکو رەنگدانەوەی باری ناهەمواری گوزەرانی خەڵک‌و دۆخی گەنجانە لە بێکاری‌و بێ موچەیی‌و ناچارکردنیان بۆ کۆچکردن. هەروەها پێمان وایە ئەم روداوە نەخوازراوانەش کە تێکەڵ بەو ناڕەزایەتیانە بون، ویست و داخوازی خۆپیشاندەران نیەو دوورکەوتنەوەیە لە شێوازە شارستانی و مەدەنیەکانی دەربرینی ناڕەزایەتیەکانیان.
ئەگەر دەستێکی شاراوەش هەبێت بۆ بەلاڕێدابردنی شێوازی دەربڕینی ناڕەزایەتیەکان، ئەوە پارتییە کە رێگرەو نایەوێت خەڵک ئازادانە گوزارشت لە ناڕەزایەتی و داواکارییە رەواکانی خۆیان لە سنوری قەلەمڕەوی ئەودا بکەن. بواری بەرتەسک کردنەوەی ئازادی رادەربڕینیش لەو دەڤەرە لە هیچ کەسێک شاراوە نییە. لەو شوێنانەش کە دەبو پارتی هاوشێوەی گۆڕان بارەگاکانی چۆڵبکات بۆ پاراستنی گیانی هاوڵاتیان، ئەوان بە گولە وەڵامی بەردی خۆپیشاندەرانیان دایەوەو هەمو خەڵکی کورستانیش دەزانن کێیە داهێنەری نەریتی بارەگا سوتاندن‌و تەقەکردن لە خۆپیشاندەران.
بۆیە داواکارین لە چالاکوانانی خۆپیشاندانەکان بە گیانی بەرپرسیارێتی و دورکەوتنەوە لەو داوەی بۆ داخوازیەکانیان نراوەتەوە کاربکەن و ئاڕاستەی ناڕەزایەتیەکان لە چوارچێوەی داخوازییەکانیان بێت و هاوکاری دەزگا حکومییەکان بن لە پاراستنی سەرو ماڵی هاوڵاتیان و بارەگا حزبییەکان و ژیانی رۆژنامەنوسان.
سڵاو لە گیانی شەهیدانی کوردستان و شەهیدانی داخوازییە رەواکانی جەماوەر
بزوتنەوەی گۆڕان
11-10-2015

⁉️ تایبەتمەندییەکانی بابەت - Meta-data
🏳️ زمانی بابەت: 🏳️ کوردیی ناوەڕاست
📅 رۆژی دەرچوون: 11-10-2015
🏟 پارت / لایەن: 🕯 بزووتنەوەی گۆڕان
📄 جۆری دۆکومێنت: ⊶ زمانی یەکەم
🌐 زمان - شێوەزار: 🏳️ کرمانجیی ناوەڕاست
🗺 وڵات - هەرێم: ⬇️ باشووری کوردستان

⁉️ تایبەتمەندییە تەکنیکییەکان
©️ خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە.
✨ کوالیتیی بابەت: 85% ✔️
85%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
85%
✔️
ئەم بابەتە لەلایەن: (هاوڕێ باخەوان)ەوە لە: Oct 11 2015 1:42PM تۆمارکراوە
✍️ ئەم بابەتە بۆ دواجار لەلایەن: (هاوڕێ باخەوان)ەوە لە: Oct 11 2015 1:43PM باشترکراوە
☁️ ناونیشانی بابەت
🔗
🔗
⚠️ ئەم بابەتە بەپێی 📏 ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!
👁 ئەم بابەتە 5,384 جار بینراوە

✍️ ئەم بابەتە باشتر بکە!
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!
⠪ بەشکردن
Facebook
Twitter
LinkedIn
Whats App
Viber
SMS
Facebook Messenger
E-Mail
👍
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ
بزوتنەوەی گۆڕان، بەیاننامەیەک لەسەر دۆخی هەرێمی کوردستان بڵاودەکاتەوەو رایدەگەیەنێت کە بەشداری گۆڕان
📝 بەڵگەنامەکان

📚 فایلی پەیوەندیدار: 0
🖇 بابەتە پەیوەستکراوەکان: 3
📝 بەڵگەنامەکان
1.👁️بزوتنەوەی گۆڕان بەفەرمی بڕیاری کۆتایی خۆی دا
☂️ پارت و رێکخراوەکان
1.👁️بزووتنەوەی گۆڕان
📅 رێکەوت و رووداو (کڕۆنۆلۆژیا)
1.👁️11-10-2015
📂[ زۆرتر...]

Kurdipedia.org (2008 - 2020) version: 12.08
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,328 چرکە!
☎ +9647701579153 +9647503268282
| ☎ +31654710293 +31619975574