- شەڕی پێشمەرگە و حەشدی شەعبی لە خورماتوو لە دوێنێ شەوەوە درێژەی هەیە و قوربانی زیاتری لێکەوتەوە و نەقیبێک و دوو ملازمی دیکەی پێشمەرگە شەهیدبوون. بەیانی ئەمڕۆش فەرماندەیەک و پێشمەرگەیەک شەهید ببوون، هەروەها چوار پێشمەرگەش بریندارن. 8 چەکداری حەشدی شەعبیش کوژران.
- بارەگای ئاسایشی پارتی دیموکراتی کوردستان لەلایەن چەکدارانی حەشدی شەعبییەوە تۆپبارانکرا و بەڕێوەبەری مەعاونیەتی ئاسایشی خورماتووش دەڵێت "بەهۆی بۆردوومانەکەوە سێ کارمەندی ئاسایش برینداربوون".
- حەیدەر عەبادی لە بەیاننامەیەکدا داوا لە فەرماندەکانی هێزە هاوبەشەکانی عیراق دەکات هەموو رێوشوێنە سەربازییە پێویستەکان بگرنەبەر و کۆتاییبهێنن بە رووداوە نەخوازراوەکانی شاری دوزخورماتوو.
- لە شارۆچکەی خورماتوو کوردەکانی ئەو ناوچەیە ماڵی عاتف کە بەرپرسی حەشدی شەعبیە سووتاند و بەو هۆیەوە سێ خانووی دەوروبەریشی لەگەڵ ئۆتۆمبێلێکی جۆری هامەر سووتێنرا.
- دەستەی ناوخۆ لە کانتۆنی جزیرە لە رۆژئاوای کوردستان رایگەیاند کە وەفدی بەڕێوەبەری خۆسەری دیموکراتی و وەفدی رژێمی سوریا لەبارەی راگرتنی شەڕ لە شاری قامیشلۆ گەیشتنە رێککەوتن.
📌
کوردیپێدیا، رۆژانە (بێلایەنانە) مێژووی کوردستان تۆماردەکات... 📅 کڕۆنۆلۆژیای رووداوەکان| ⁉️ تایبەتمەندییەکانی بابەت - Meta-data |
| 🏷️ پۆل: | 📅 رێکەوت و رووداو (کڕۆنۆلۆژیا) |
| 🏳️ زمانی بابەت: | 🏳️ کوردیی ناوەڕاست |
| 🏙 شار و شارۆچکەکان | ⚪ خورماتوو |
| 🏙 شار و شارۆچکەکان | ⚪ قامیشلۆ |
|
|
| 📷 فایلی وێنە |
1.0.1 | 32 KB |
| |
Apr 24 2016 1:20PM | هاوڕێ باخەوان |