رۆژهەڵاتی کوردستان
- سەرلەبەیانی ئەمڕۆ، حوکمی ئێعدامی سێ زیندانیی، بە ناوەکانی سەلمان خان‌عەلیلو، زەینەب سکانوەند و حەسەن حاجیلوو، لە زیندانی ورمێورمێ جێبەجێ کرا.[4]
باشووری کوردستان
- لە سەرجەم خوێندنگاکانی هەرێمی کوردستان بەبەشداری زیاتر لە ملیۆنێک و 700 هەزار خوێندکار زەنگی دەستپێکی ساڵی نوێی خوێندن لێدرا.[1]
- گوتەبێژی کۆمیسیۆنی باڵای هەڵبژاردن و راپرسی دەڵێت، لە هەر شوێنێک ئیرادەی دەنگدەر لەژێر هەڕەشە و گوشاردا بووبێت، دەنگی ئەو بنکەیە پووچەڵدەکرێتەوە. دەشڵێت، ئەمڕۆ فۆرمی سەرجەم پارێزگاکان گەیشتوونەتە کۆمیسیۆن و لە داتابەیس تۆماردەکرێن بۆ ئەوەی بتوانین ئەنجامی بەرایی رابگەیێنین.[3]
- وتەبێژی دەزگای هەڵبژاردنی یەکێتی رایگەیاند، بەپێی ئه و ئامارانەی دەست ئێمە کەوتووە یەکێتی 24 بۆ 26 کورسی پەرلەمان بەدەستدەهێنێت و ئەگەر کۆمسیۆن بە وردی لەسکاڵاکانمان بکۆڵێتەوە گومانمان نیە کە رێژەی کورسییەکانمان زیاددەبێت.[5]
- فڕۆکەیەکی بێفڕۆکەوانی سوپای تورکیای داگیرکەر لە هەرێمەکانی پاراستنی مەدیا لەلایەن هێزەکانی گەریلاوە خرایە خوارەوە.[7]
- ​​​​​​​بۆ جاری یەکەم لە شارۆچکەی کەلارکەلار، بەناونیشانی 'مافی خۆمە خەونەکانم بەدی بهێنم' شانۆیەکی سەرشەقام نمایشکرا.[6]
- بەهۆی تەقەی خۆشییەوە لە شارۆچکەی چەمچەماڵچەمچەماڵ پیاوێکی تەمەن 47 ساڵ گیانی لەدەستدا و لە شارەزوریش گەنجێک برینداربوو.[2]
دەرەوەی کوردستان
- کۆماری ئیسلامی ئێران داوای لە پارتی و یەکێتی کردووە لەسەر یەک کاندید بۆ پۆستی سەرکۆماری عێراق رێکبکەون باشترە، ئەگەر نا ئەو پرسە لە پەرلەمانی عێراق یەکلایی بکرێتەوە.[2]
- بەهۆی ململانێی پارتی و یەکێتی لەسەر پۆستی سەرۆک کۆمار، پەڕڵەمانی ئێڕاق دانیشتنی خۆیی دواخست بۆ کاژێر 8ی ئێوارە.[1]
- لە کۆنگرەیەکی ڕۆژنامەنووسیدا، لە نێو ئەنجومەنی نوێنەرانی عێراق، فراکسیۆنی پ-د-ک،ڕایگەیاند، کە کاندیدی سەرۆک کۆماری خۆیان دەکێشنەوە و ئەو پڕۆسەیە مایەی قبوڵ نییە.[6]
- ئێوارەی ئەمڕۆ، بەرهەم ئەحمەد ساڵحبەرهەم ئەحمەد ساڵح بە زۆرینەی دەنگەکانی پەڕڵەمانی ئێڕاق بە سەرۆک کۆماری ئێڕاق هەڵبژێردرا.[1]

#ورمێ | #کەلار | #چەمچەماڵ | #بەرهەم ئەحمەد ساڵح |