ئیگزستانسیالیزم
کتێبی ژمارە (شەش) لە پڕۆژەی چەمکە فکری و فەلسەفییەکان
لە بڵاوکراوەکانی #دەزگای ئایدیا بۆ فکر و لێکۆڵینەوە# 2018
بوونگەرایی ڕەوتێکی فەلسەفی بوو لە سییەکان و چلەکانی سەدەی بیستەمدا سەریهەڵدا، بانگەشەی بۆ گرنگیی و بایەخی بوونی تاکی مرۆڤ دەکرد، دەکرێت بگوترێت کە بونگەرایی وەک دەرئەنجامێکی تراژیدیا و نەهامەتییەکانی جەنگی جیهانیی یەکەم دەرکەوت، کە هەزاران کوژراو و برینداری لێکەتەوە، ئەمەش وەهای لە بیرمەندان و فەیلەسوفانی ئەو سەردەمە کرد کە بە دوای ڕەوتێکی فەلسەفییدا بگەڕێن کە بەها بۆ بوونی مرۆڤ بگێڕێتەوە. ئەوەبوو دەستیانکرد بە بڵاوکردنەوەی ئایدیاکانیان لە ڕێگەی شانۆگەری و ئەدەب و شیعرەوە، هەتاوەکو بووە یەکێک لە ڕەوتە فەلسەفییە هەرە بەناوبانگەکانی ئەوروپا و جیهان.
لەم کتێبەدا خوێنەر ئاشنا دەبێت بە پێناسە و لایەنە جیاجیاکانی چەمکی ئیگزستانسیالیزم (بوونگەرایی)، هاوکات چەندین بابەتی دیکەش دەخوێنێتەوە سەبارەت بە جەوهەری ئەم ئایدیایە و ڕەخنەکان لەسەر ئەم ئایدیایە.