باکووری کوردستان
- دادگای تورک لە ئامەدئامەد، بڕیاریدا لەیلا گوڤەنلەیلا گوڤەن ئازادبکرێت. لەیلا گوڤەن ئەندامی پەرلەمانی تورکیا و هاوسەرۆکی کۆنگرەی جڤاکی دیموکراتی کەجەدەکەجەدە، ئەمڕۆ 79 ڕۆژە لە مانگرتن لە خواردندایە. پۆلیسی تورک رێگەی نەدا کەس پێشوازیی لەیلا بکات و هەروەها رۆژنامەنووسانیش بۆیان نەبوو ئامادەی ئازادکردنەکە ببن لە زیندانی ئامەدزیندانی ئامەد، پاشان گوێزرایەوە بۆ نەخۆشخانە.[1]
- ئەمڕۆ دانیشتنێکی دیکەی دادگەیی کردنی هاوسەرۆکی پێشووی پارتیی دیموکراتیی گەلان (هەدەپەهەدەپە) سەڵاحەدین دەمیرتاشسەڵاحەدین دەمیرتاش لە لایەن نۆزدەمین دادگەی سزا قورسەکان لە هۆڵی زیندانی سینجان بەڕێوەچوو. دەمیرتاش لە ڕێی سیستەمی دەنگ و ڕەنگ (SEGBÎS) بەشداری لە دانیشتنەکەدا کرد و گوتی، بەهۆکاری سیاسی زیندانی کراوم، (داوای ئازادکردنم ناکەم). دەستەی دادگە دانیشتنەکەی بۆ 24-25ی نیسان دواخست.[6]
- دادگەیەکی دەوڵەتی تورک لە موش بە بیانووی (ئەندامەتی ڕێکخستنی پەکەکەپەکەکە) و (پڕوپاگەندەکردن بۆ ڕێکخستن) سزای 8 ساڵ زیندانی کردنی بۆ ڕۆژنامەوانی ئاژانسی هەواڵی دیجلە (DÎHA) ئیدریس سایلگانئیدریس سایلگان بڕیەوە.[6]
باشووری کوردستان
- ژمارەیەک پێشمەرگەی دێریین بەرێپێوان چوونە بەردەم نوسینگەی کەناڵی NRT لە سلێمانیسلێمانی و داوایان لێکردن سوکایەتییەکانیان بەرامبەر بەخوێنی شەهیدان خەباتی پێشمەرگە راگرن.[2]
- هاوڵاتیانی دێرەلۆک دژی بۆردوومانەکانی دەوڵەتی تورک گردبوونەوەیان ئەنجامدا و ئیدانەی بۆردوومانکردنی ناوچەکەیان دەکەن لە لایەن فڕۆکە جەنگیاکانی دەوڵەتی تورکەوە، کە بووە هۆی شەهیدبوونی دوو هاوڵاتی و بێسەروشوێن بوونی چوار هاوڵاتی دیکە.[3]
- بەیانی ئەمڕۆ بە سەدان هاوڵاتی لە گەلی ڕەش لە سنوری دێرەلوکدێرەلوک لە بادینان دەستیان بە گەڕان کرد، بۆ دۆزینەوەی ئەو چوار گەنجەی بەهۆی بۆردوومانی فڕۆکەکاکی سوپای تورکەوە بێسەروشوێن بوون.[3]
- لە گوندی چەمکێ توویێ لە نزیک گەلی رەشاڤەی سەر بە شارۆچکەی دێرەلووک لە سنووری شارۆچکەی ئامێدیئامێدی، دوو کەسی سڤیل بە بۆردوومانی فڕۆکەکانی تورکیا گیانیان لەدەستدا.[4]
- حازم تەحسین بەگ، کوڕی میری ئێزدیان لەبارەی بڵاوبوونەوەی هەواڵی کۆچی دوایی میر تەحسین بەگمیر تەحسین بەگ میری ئێزدیان رایگەیاند، بارودۆخی تەندروستی میر تەحسین تێکچووە و لەژێر چاودێری پزیشکی دایە.[4]
- لە سنووری شارۆچکەی خورماتووخورماتوو و خانەقینخانەقین، هەروەها پارێزگای دیالە، هێزەکانی ئەمریکا و هاوپەیمانان دەرکەوتوونەتەوە و باس لەوەشدەکرێت لە دیالە بەرپرسێکی حەشدی شەعبیحەشدی شەعبیان دەستگیر کردووە، بەوتەی سەرچاوەیەکیش حەشدی شەعبی چەکە قورسەکانی گواستووەتەوە.[5]
رۆژئاوای کوردستان
- هێزەکانی رزگاریی عەفرین لە عەزاز چالاکییەکیان بە چەکی قەناس ئەنجامدا و لەو چالاکییەدا چەتەیەکی داگیرکەر بە ناوی سەعد نەمیعات کوژرا.[6]
دەرەوەی کوردستان
- ئەردۆغانئەردۆغان لە وتارێکی تەلەڤزیۆنیدا رایگەیاند: چاوەڕێدەکەن ئەو پەیمانە ببرێتەسەر کە بڕیاربوو ناوچەیەکی پارێزراو بۆ پاراستنی سنورەکانمان پێکبهێنرێت، ئەگەر لە ماوەی چەند مانگی داهاتوودا ئەوە نەکرا، ئەوا خۆمان دەیکەین، وتیشی: ئارامگرتنیش سنوری هەیە و چاوەڕێ ناکەین بێکۆتا بۆ ئەوەی پەیمانێک ببرێتەسەر.[5]

#ئامەد | #لەیلا گوڤەن | #کەجەدە | #زیندانی ئامەد | #هەدەپە | #سەڵاحەدین دەمیرتاش | #پەکەکە | #ئیدریس سایلگان | #سلێمانی | #دێرەلوک | #ئامێدی | #میر تەحسین بەگ | #خورماتوو | #خانەقین | #حەشدی شەعبی | #ئەردۆغان |