=KTML_Bold=مستەفا بالی=KTML_End= وتەبێژی هێزەکانی سوریای دیموکرات هەسەدە ڕۆژی سێشەممە 03-12-2019 ڕاگەیاند: لە 17-10-2019 کاتێ ڕێککەوتن بۆ ئاگر بەست لەنێوان ئەمریکا و تورکیادا واژۆکرا، دەوڵەتی تورک و چەتەکرێگیراوەکانی خۆیان پابەند نەبوون و زیاتر لە 200 جار ئاگربەستیا شکاندووە لەدەرەوە و ئەو ناوچانەیشی کە ڕێککەوتنیشی لەسەر کرابوو.
وتیشی: ئەو ناوچەیەی کە ناوی لێنراوە ناوچەی ئارام، تورکیا سەدان پێشێلکاری کردووە و هاوکات تورکیا و چەتەکانیش بەجۆرەها شێواز و ڕێگا و بە بەکارهێنانی درۆن و تۆپی دورهاوێژ هێرشی کردوەتە سەر هێزەکانی هەسەدە و ئاگربەستی شکاندووە و بۆیە هەسەدە بێدەنگ نابێت و بەم زووانە هەڵوێستی نوێی دەبێت لەسەر ئەو کارانە، تورکیا سەرەڕای داگیرکار پاکتاوی نەژادیشی دەستپێکردوە لەرووی زمان و کولتور و هێنانی خەڵکی بێگانە بۆ ناوچەکە و نیشتەجێکردنی و گۆڕینی میکانیزمی خوێندن و ناوی کوردی و ناوی شوێنەکان.[1]