میانگەو چاپەمەنی و یاونەری هێزەکێ پارێزنای گەلی-هەپەگەهەپەگە جە ئەرەیاونایێوەنە ئاشکراش کەرد:
هێزەکێمان جە بەردەوامی هەڵمەتەو شۆڕشگێڵی سەرکەوتەیەنە کە جە ئیالەتو سەردحەد-ی دەستشان پنەکەردەن، دژ بە ئەرتەشە ئەرەگێرەکەو تورکیای دووێ چالاکیێ گاریگەرشێان ئەنجامێ دێنێ و گورزی قورسشان جە ئەرتەشەکەی دانەوە.
جەی چوارچێوەنە جە 21و ئاداری یەکەمین رۆو نەورۆزی سەعات 09:45 دەیەقی سەرسەبای، جە ناوچەو بایەزید-ی سەر بە پارێزگاو ئاگری گەریلاکێمان زرێپۆشێوی نەفەربەری لەشکری دوژمنیشان کەردەن ئامانج و جە ئاکامشەنە زرێپۆشەکەشان تەقنانەوە و دلێنەبەردەن. هامکات دژ بە هێزێوی لەشکەری کە گەرەکش بێ بە هاناو زرێپۆشەکەیەوە بەیۆنە چالاکیشان ئەنجام دان. جە هەر دوێ چالاکیەکێنە سەرجەم سەرنشینەکێ زرێپۆشەکەی و چەنڎین سەربازێ هێزەکەی کوشیێنێ و ژمارێوتەرێ بریندارێ بیێنێ و بە گردیی کوشیای 24 سەربازێ ڕژێمی پەشتڕاست کریانەوە.
دمای چالاکیەکەی گەریلاکێمان بەبێ زیان و بە سڵامەتی گێڵێنێوە بنکێ و بارەگاکێشان.
17و ئاداری، ماشینێوی لەشکری ڕژێمی کە جە لەشکرگە ڤەداد ئۆزکایا-یەوە ڕوو بە شارچەو بایزید-ی لوێنە، گەریلای کەردەن ئامانج و جە ئاکامشە سەربازێو کوشیان.
20و ئاداری سەعات 17:30 دەیەقێ ئێوارەگای، باڵەپڕە جەنگیەکێ ڕژێمە ئەرەگێرەکەو تورکیا هەرێمکێ زێ، ئاڤاشین، زاپ و خاکورک-یشان بەچڕی بۆردومانێ کەردێنێ. بەڵام بۆردومانەکێ زیانێ گیانیێشان نەبیێنێ.[1]
22-03-202022-03-2020

#هەپەگە | #22-03-2020 |