ئیزنیڤا رەشید (Eznîva ReşîdEznîva Reşîd) یەکەمین ژنە بێژەری ڕادیۆی کوردی بوو لە شاری یەریڤانی ووڵاتی ئەرمینیا (Radyoya Êrîvanê). کە بۆ ماوەی 27 ساڵ بێ ووچان کاری بۆ ئەو رادیۆیە کرد و بە دەنگە پر سۆزەکەی گوێی کوردانی ئەرمینیاو ووڵاتانی یەکێتی سۆڤێتی ئەوکاتی ئاشنا کرد بە کەلتورەکەی لە ریگای چەند بەرنامە و دیمانەیەکی جیاوازەوە. ئێزنیڤا بەدایکی رادیۆی کوردی ئەرمینیا ناودەبرێت.
ئیزنیڤا رەشید 18-05-1926 لە گوندی چاموشڤان لە ئەرمەنستان لە دایکبووە و خوێندنی سەرەتایی لەهەمان گووند تەواو کردووە. لە ساڵی 1955 رادیۆی یەریڤان دەکرێتەوە هەر لەوکاتەوە ئیزنیڤا دەست بە کاری بێژەری دەکات هەتا ساڵی 1982.
ئیزنیڤا رەشید، هاوسەرگیری لەگەڵ نووسەر، بێژەر و بەرێوەبەری رادیۆی کوردی یەریڤان خەلیل چاچان (Xelîlê ÇaçanXelîlê Çaçan) کردووەو هەر ئەو کاتە یەکەمین بیژەری ژن بووە لە رادیوی کوردی لە شاری یەریڤانی وولاتی ئەرمینیا. ئیزنیڤا یەکێکە لەو ژنە کوردانەی هەوڵی بڵاو کردنەوەی نوسین و ناساندنی زمانی کوردی داوە لە رێگای بەرنامەو دەنگەبە سۆزەکەیەوە لە ماوەی 27 سالی کار کردنیدا.
لە پال کارکردنی وەک بێژەر نووسینی و وتارەکانیشی لە گۆڤاری رۆژی نوێ (roja nu) ی بڵاو دەکردەوە.
لە پاش خۆی سێ مناڵی بە ناوەکانی سەردار، گوڵنار و ڤایود جێ هێشتووە هەریەک لەوان لە هەمان رادیۆ دەست بەکار بوون بۆ ماوەیەک.[1]

#Eznîva Reşîd | #Xelîlê Çaçan |