▪ ژنانی ئازادیخوازی کوردستان
لەگەڵ ئەوەی ئێمە لایەنگرێکی سەرسەختی ئازادی تاک و ئازادی ڕا دەربڕینین، بەتایبەتی ئازادی پۆشینی جلوبەرگ کە لەمافە سەرەتاییەکانی مرۆڤە هەروەک مافی ژیان و مافە سەرەتاییەکانی دی، کە بۆ کەس نییە دەست تێوەردانی تیدا بکات و زەوتی بکات لەهیچ تاکیکی تر.
▪ بەڵام بەداخەوە ئەمڕۆ لەم هەرێمەدا دیاردەیەکی بێزراوی دور لەگشت بەهایەکی مرۆڤایەتی وئاکاری هاتووەتە کایەوە، بەزەوتکردنی جەستەی ژنان. لەلایەک ژنان دەکەنە بوکەڵەی دروستکراو ومۆدیل و نمایش پێکردنیان وەک کاڵایەکی بازرگانی لەتۆرە کۆمەڵایەتییەکان و هەندی کەناڵی ڕاگەیاندنی نا بەرپڕس دەیانکەنە ڕیکلامی بازرگانی و یاریکردن بەجەستەیان، لەلایەکی ترەوە بەناوی ئاینی پیرۆزی ئیسلامەوە دەیانخەنە ناو ئەجێندای هەندێ پارت و گروپی سەر بەوڵاتانی دەرەوەی ناوچەکە و بەکارهێنانیان بۆ مەبەستی تایبەتی خویان و بێبەش کردنیان لەسادەترین ماف و وەک سوپایەک نمایشیان پێدەکەن بۆ پیشاندانی هێزو دەستکەوتی سیاسی خۆیان لەژێر ناوی پیرۆزی ئیسلامدا.
▪ ئێمە وەک یەکێتی ژنانی کوردستان بەتوندی هەردوو دیاردەکە ڕەت دەکەینەوە و داوا لەژنان دەکەین کە بەیەک هەڵوێست بێنە دەنگ و ببنە فشاری ڕاستەقینە لەسەر دەسەڵات و سەرجەم سەرکردایەتی سیاسی هەرێمی کوردستان کە چیتر مافی ژن نەکەنە قوربانی هیچ پرسێکی سیاسی.
یەکێتی ژنانی کوردستان
13/2/2021
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!