هۆنراوە و ئاواز : #بەهجەت یەحیا#
ئەوینستان
هۆنراوە و ئاوازی بەهجەت یەحیا
لەگۆرانی و سۆز بەولاوە لەم دنیایە چی شک ئەبەم
بۆئەوەی هەستم دەربڕم وشە نەما پەی پێ نەبەم
چیم هەیە من بێ لەعەشق و چەپکێ هۆنراوە بەولاوە
لەکۆڕی ئەویندارانا سەرکردەی عاشقانم ناوە
چی ئاواز و سۆزی گەرمە هەرهەمووی بۆتۆ وتراوە
ئەودێڕەی ناو تۆ ئەبا لەپەڕەی دڵم نووسراوە
من خەڵکی ئەوینستانم باکم نیە لە ژیانا
تەمەن ئەکەم بە قووربانی یەک هەناسە لە جێژوانا
بۆیە دەنگ و سەدای خۆمم هەمووی لە پێناوتا دانا
ئەمزانی ژیان بێ ئەوین نیەتی ئەرزش و مانا