شارەدێیە، کێ بەکێیە؟
وتراویشە: شێخە دێیە کێ بەکێیە؟ ئه و ئاوەدانیانەی ژمارەی دانیشتوانیان بەره و زیاد بوون دەڕوا و لە گوندەوە دەبنە شارەدێ، بەهۆی ئەوەی لەڕووی کارگێڕیی و یاسایی و ڕێنمایی شارەوانیەوە سەرەتایین، بۆیە یاسا تێیاندا سەروەر نییە و هێشتا بەڕژێمی خێڵەکی و کۆرانی ڕەشکەکادا گوزەر دەکەن وبێ یاسا ودادوەرن، بێ خاوەنن و کەس نامەی کەس ناخوێنێتەوە، ئۆخەی ئۆخەی هەر کەس بۆ خۆی پەیڕه و دەکرێت کەس بەکەس نییە، له و گەڕەلاوژەیەدا بە تەوس و گاڵتە و گەپەوە دەوترێت: شارەدێیە کێ بەکێیە؟. [1]