دەقی پرسەنامەکەی کەجەکە:
هەڤاڵی بەرێز کۆسرەت ڕەسوڵ
سەرۆکی ئەنجوومەنی باڵای سیاسی و بەرژەوەندیی یەکێتیی نیشتیمانیی کوردستان،
بەڕێزان بنەماڵە و کەسوکاری خانەوادەی کۆچکردوو خاتوو زوبێدە سەعید عومەر؛
بەداخ و پەژارەییەکی زۆرەوە هەواڵی کۆچی دوایی خاتوو زوبیدە سەعید عومەرمان پێ گەیشت. بە بۆنەی ئەم کۆستە گەورەیەوە، لەسەر ناوی هەموو ئەندامانی بەڕێوبەرایەتی و کادێرانی کۆما جڤاکێن کوردستان پرسە و سەرخۆشی خۆمان ئاراستەی ئێوەی بەڕێز و هەموو ئەندامانی بنەماڵەی هێژا دەکەین و خۆمان بە هاوبەشی خەم و پەژارەتان دەزانین.
خاتوو زوبێدە ژنێکی نیشتیمانپەروەر و بە ئێرادە و بەرخۆدێر و دایکێکی دڵسۆز بۆ هەموو تێکۆشەرانی نیشتمان بوو کە بە درێژايی تەمەنی خۆی هەموو قۆناخە دژوار و سەختەکانی تێکۆشانی ئازدایخوازی تێپەڕاندووە. لە پەروردەگاری مەزن داواکارین کە گیانی زوبێدەخان بە بەهەشتی بەرین شاد بکات و سەبووری و دڵنەوایی بە ئێوەی بەرێز ببەخشێت.
لەگەڵ ڕێزدا
کۆنسەی بەڕێوەبەری کۆما جڤاکێن کوردستان KCK
1 ئاداری 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!