پیرۆزبایی ستران عەبدوڵڵا لە یادی 43 ساڵەی دامەزراندنی دەنگی گەلی کوردستان
دەقی پیرۆزباییەکەی ستران عەبدوڵڵا:
هەڤاڵ و برام دڵبەند مستەفا بەرێوەبەری گشتی دەنگی گەلی کوردستان
خوشک و برایانی میدیاکاری خۆشەویست لە سەکۆی ئێزگەکە
پیرۆزبایی یادی چل و سێ ساڵەی دامەزراندنی بڵندگۆی شۆڕشی نوێی گەلەکەمان و ئێزگەکەی مژدەی راپەڕینی مەزنی کوردستانتان لێ بێت.
دەنگی گەلی کوردستان هەر دەنگی زوڵاڵی پێشمەرگە و تێکۆشەرانی گەلەکەمان نییە بەڵکو لە کوردستانی ئازادیشدا مینبەری راگەیاندنی بەرپرسیارانە و ئازادی یەکێتی بووە و لەماوەی ساڵی رابردووشدا لەرووی چۆنایەتییەوە گەشەی بەرچاوی بەخۆوە دیووە کە کاتی ئەوەیە ئەم گەشەکردنە برژێتە روباری گەشەکردنی کۆی میدیای یەکێتی لە یەکخستن و پوختکردن و نوێکردنەوەی چۆنایەتیدا.
باشترین دیاری هەموومان بۆ نەورۆزی راپەڕین و بەهاری ئێزگەکە ئەوەیە راگەیاندنێکی شایان و پێشکەوتوو پێشکەشی یەکێتی و میللەتەکەمان بکەین.
دووبارە پیرۆزە و هەر سەرکەوتوو بن.
ستران عەبدوڵڵا
لێپرسراوی مەکتەبی راگەیاندن
[1]
⚠️ تێبینی: ئەم بابەتە بە رێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!