دەڵێی گورگی پێ سوتاوە
هەروەها دەشگوترێت، دەڵێی ڕێوی پێ سوتاوە، گورگ و ڕێوی هەردوکیان دوو گیانلەبەری هارن، گورگ بەوە ناسراوە، کە زۆر تەماعکار ە و ڕێویش وەک ئیدیۆم بۆ کەسێکی فێڵبازی تەڵەکەباز بەکاردێت، ئەم ئیدیۆمە بەیەکێک دەگوترێت، کە زۆر عەجول و بزێو بێت و عەرز نەیگرێتەخۆی، جا ئه و کەسە، بە گورگ و ڕێوی چوێنراوە و ئه و ئیدیۆمەی لێ هاتۆتە بەرهەم، ئەگەر گورگ و ڕێوی ئەوەندە هار و بزێو بن، جا وەرە پێشیان بسوتێت، دەبێ چییان لێ بەسەر بێت!!! بێگومان ئەوەندەی دی هار و بزێوتر دەبن.
هەروەها ئەم ئیدیۆمە بۆ کەسێکیش بەکار دێت، کە ئیش و کاری ناو ماڵی گەلێک زۆر بێت، لەبەر کاروباری زۆر نەپڕژێتە سەر هیچ و حەسانەوەی نەبێت. [1]