ناونیشانی پەڕتووک: هەولێر سەفین
نووسینی: #شێرزاد هەینی#
شوێنی چاپ: #هەولێر#
ژمارەی چاپ: یەکەم[1]
نووسەرو وەرگێڕ شێرزاد هەینی نوێترین ڕۆمانی خۆی لەناوی (هەولێر سەفین) بەرگی حەوتەم چاپ و بڵاودەکاتەوە، کە ڕۆمانێکە باس لەجوانیی و ژیانی ناوچەی سەفین و خۆشناوەتی دەکات لە شاری هەولێر.
لەیەکێک لە بڕگەکانی ڕۆمانەکەدا هاتووە: سەفین، گوندەکەی لەناو ئەتلەسەکانی مامۆستایانی جوگرافیا داناوە، لەسەر نەخشەکان، زۆر شانازی بەو نازەنینە کردووە. ڕەنگە، سەفین عاشق بووە. جارێکیان مەست بووە و تریفەی مانگ و نواڵەیەکی شیرین حەیرانی کردووە، سەفین بۆ عیشقێک هەستاوەتەوە سەرپێ، هەستاوەتەوە بەر خزمەتی شکۆی چاوێک، بۆ نازێک ڕاپەڕیوە. لەبەر عیشوەیەک تەزیوە، هەڵساوەتەوە و هەزارەها دار چنار و توو و گوێز، ملیۆنەها دارمێو و پەپولە و هێڵانە و چەکەرەی نەمام و تریسکەی خوناو و پەنگری عیشقی لە کۆشی هەڵڕژاوە.
شێرزاد هەینی خاوەنی چەندین ڕۆمان و کتێبی ئەدەبییەو یەکێکە لە نووسەرە دیارەکانی بواری ئەدەب لە هەولێرو ئێستا لە ئەوروپا نیشتەجێیە.
خاک- بەیاد مەریوانی