هەنگوین بە دەمی تاڵە
هەنگوین: بەرهەمی مێش هەنگە لە مژینی شیلەی گوڵەوە دروستی دەکات بە گوێرەی ناوچەکانی دونیا و گوڵە جۆراوجۆرەکان جیاوازی لە ڕەنگ(سپی و خاکی و قاوەیی) و تام(تیژ و ترش و شیرین)ی هەنگوینەکەدا پەیدا دەبێت، بەشێوەیەکی گشتی شیرینه و سوود بەخشە بۆ چارەسەری نەخۆشییەکان و بەکەڵک و پڕڤیتامینە، شیرینی هەنگوین لە ئیدیۆمی کوردەواریدا بەکارهاتووە، ئەگەر کەسێک ژیانی ناخۆش و باروودۆخی هەر تاڵی و تفتی و ترشی بێت و لەوپەڕی خراپیدا گوزەران بکات، لەبەر نەخۆشی و گرفت و کیشەکانیەوە حاڵی زۆر خراپ و نالەبار بێت، بەنیگەرانیەوە پێی دەوترێت: هەنگوین بەدەمی تاڵە.[1]