Navê pirtûkê: Sîyamed û Xeca
Navê nivîskar: Koyo Berz
Cihê çapkirina pirtûkê: Stockholm
Navê çapxaneyê: Apec-Tryck
Sala çapê: 1993
[1]
Koyo Berz, sera 1951 di, dewa Sêwregi mextele di ameyo dinya. Wenden a xwi ya destpeykerdeni heta sinifa çiharî dewda Anazoy di wendo. Sinifa pancî jî Sêwreg di, wendexaneyê Şaîr Îbrahîm Rafetî di temam kerdo.(1964)
Wenden a xwi ya wertî û seretayî(lîse) jî, Sêwregi di temam keno( 1969-70).
Eynî ser di Zongûldak di dest bi kardê formeney keno. Qandê tay sebeban ê karî ra fek viradano, şino Adina di kewno Dewlet Sû Îşlerî. Hendê nêm serî girweyêno, bahdo şino eskerey.
Sera 1973 di eskereya xwi qedêneno û fina karê xwi yê Dewlet Sû îşlerî domneno.
Sera 1974 di ê karî di beno şef teknîsîyen. Sera 1977 di tay enbazandê xwi yê kariya sendîqa Yenî Bes Îşî virazenê. U no sekreterey a sendîqa keno. Heta Cûnta da 1980 ay nê karê sekreterey domneno.
Sera 1977 an di, di finî 1978 an di dî finî, 1979 an di finê û 1980 di jî finê yeno tepiştenî û hergî finê hendê mengê çiman bin di maneno û îşkence vîneno. Di mengî verê cûntay ney sirgûnê Yozgatî kenê. Labrê no rapor gêno û nêşino Yozgat. O sire di cûnta bena û no peyser agayreno kardê xwi ser.
Sera 1981 an ê menga Adarî di dahwa DDKD ra yeno tepiştenî û 34 rojî polîs Qolejî dê Adina di, çiman bin di û îşkence di maneno.
Viradeyêno, sera 1982 di fina yeno tepişteni û 65 rojî siki yunetîm di maneno. Sera 1983 di fina yeno tepiştenî û hewt mengî hepisdê Qarataşî di maneno.
Nê sebeban ra kardê xo ra yeno eşteni. Amandê polîsan ver, mecbûr beno bar keno key xwî beno Sêwregî.
Polîsî wija di jî ci rehat nêverdanê. Sera 1986 dî remeno şino Swêd (Isveç).
Nûştox jewjinaye û panc qeçê cî estê.
Kitaba nûştoxî ya sifteyênî Na Xumxum a, sera 1988 dî kişta weşanxanedê Jina Nû ya çap biya.
Xeylê rojnameyan dê Kurdî di nûştê Nûştoxî amayê çapkerdenî.