چاوی سپی کرد
چاو زۆرترین نهێنی مرۆڤی تێدایە و زۆر ئیدیۆمیشی لەسەر هاتووە وەک: چاوسوورکردنەوە، چاوباز، چاوبڕکێ، چاو باشقاڵی، چاوتیژ، چاوپیس، چاو لێدان، چاوچنۆک، چاومۆن، چاوحیز، چاوچیڕکردنەوه، بەرچاو تەنگ...تاد، له و ئیدیۆمەشدا(چاوی سپیی کرد) هاتووە، سپی بوون لە چاودا لە چەند حاڵەتێک ڕوودەدات یان چاوەڕوانیەکی زۆر یان نەخۆشی کە سپێنەی چاو زیادە دەکات یان ترسێکی زۆر گەورە وەک ڕۆح کێشان و مەرگ، ئه و چاو سپیکردنەوە وەکو ئیدیۆم بەکاردەهێنرێت بۆ زیان پێ گەیاندن و حاڵەتێک کە نزیک ببێتەوە لە کوشتن و مردن و بەخۆداشکاندنەوە و زیان پێ گەیان و لێ بردنەوە و وەستاندنی کەسێک دەوترێت: چاوی سپی کرد.[1]