چل دۆسته
ژمارە چل لە زۆر بواردا مرۆڤ بەکاریهێناوە بەچل ڕۆژ، چلەی ماتەمینی داناوە، بەچل ڕۆژ دوای منداڵبوون، چلەشۆری بەکارهێناوە، بەچل ڕۆژی ناوەراستی هاوین و زستان، چلەی هاوین و زستانی داناوە، زیندەوەرۆچکەی ڕووناکی پەخشی شەوانە، چلچرا و...تاد، ئه و ژمارەی چلە لە داب و نەریت و کلتور و ئایین و بۆنەکاندا شوێنی خۆی کردۆتەوە، بۆیە لە ناو گەلی کورددا چەندین ئیدیۆمی لەسەر هێنراوەتەوە وەکو: چل درۆ و چل فێڵ، لێرەش دوو بارە بەکارهاتووە بۆ پیاوێک یان گەنجێک یان ژنێک یان کچێک کە پەیوەندی سۆزداری و ئەوینی و خۆشەویستی لەگەڵ چەندین کەس هەبێت لە یەک کاتدا بەتەوسەوە پێی دەوترێت: چل دۆستە.[1]