سەربانێکە بن بانێکە، چوار مەڕ و شوانێکە.
دەستی مرۆڤێکی ئاسایی پێنج پەنجەی هەیە، پەنجەکانی دەست لە کوردەواردا ناوی تایبەتیان هەیە، لە پەنجە بچووکەوە بیبژێرین بەم جۆرەیە: (تووتە، برای تووتە، زەرنەقوتە، دۆشاومژە، ئەسپێ کوژە) سەربانێکە بن بانێکە: مەبەست لە بەری دەست و پشتی دەستە کە بەسەربان و بن بان چووێنراوە، چوار مەڕ مەبەستی لە چوار پەنجەی دەستە، شوان: مەبەستی لە پەنجەی (ئەسپێ کوژە)یە کە وەک پاسەوانی پەنجەکانی تر باسی دەکات، وەڵام (دەست و پەنجەکان). [1]