ئەڵێی: دڕکی مەم و زینە.
پێشوان دەڵێن: کاکە مەم و خاتووزین دوو دڵداری گیانی بەگیانی بوون و دڵیان بە یەکەوە بوو بەڵام بەکر مەرگەوەڕ بە بوختان و دووزمانی کەوتە نێوانیان، نەیهێشت بگەن بەیەک، کاکە مەم گیرا و لە زینداندا مرد، خاتووزینیش لە داخدا خۆی کوشت، هەردوو دڵداریان لەپاڵ یەکتردا ناشت، کە بووختان و دووزمانی بەکرمەرگەوەڕ ئاشکرابوو، لەنێوانی گۆڕی مام و زیندا کوشتیان، خوێنەکەی ڕژایە نێوانی دوو گۆرەکەوە و بوو بە دڕک، بۆیە ناسراوە بە دڕکی مام و زین. بە کەسێکی زۆر نالەبار ئەوترێت کە هەر چەندە بتەوێت لەکۆڵت نەبێتەوە. [1]