ناو: سێوێ
ناوی باوک: عەبدولقادر
نازناو: کێخوا سێوێ
ناوی تەواوی (سێوێ عەبدولقادر حسێن) ە، خەڵکی گوندی (#سەلماسی قەراج#) ی سەر بە (#مەخموور#) بووە لە ساڵی 1941 لە سەلماس لەدایک بووه، باوکی شەش کچی هەبووە، هیچ کوڕی نەبووە، سێوێ کچی گەورەی دایک و بابی بووه، بۆیە هەر بە گچکەیی لە ئیش ڕاپەڕاندن لەگەڵ باوکی بووه، لە بەخێوکردنی مەڕ و ماڵات و دەغڵ ودان، چونکە باوکی هەبوون بووه، لە دوای مردنی باوکی سێوێ کاروباری ماڵەوەیان و بنەماڵەکەیان دەگرێتە ئە ستۆی خۆی وەک پیاو هەڵس وکەوت دەکات بۆیە پێی گوتراوه:کێخوا سێوێ، چونکە وەک کێخوای گوندەکەیان هەڵسوکەوتی کردووه، زۆر جاران تفەنگی لە شانی کردووە و دەمانچەی بەجلی پیاوان لە نێکی بەستووە، لە کێشەیەکی کۆمەڵایەتی زۆر جوامێرانە ڕەفتاری کردووه، بۆیەش ناچاربووە شوێنی باوکی بگرێتەوە و گرنگی بە نیشانە شکێنی و سوار چاکی و چوونە دیوەخانی پیاوان و دام و دەزگای دەوڵەت بدات، خۆی لەدیمانەیەک دەڵێت: لە ساڵی (1963) دا نزیکەی (1600) سەر مەڕمان هەبوو لەو #قەراج#ەی عەرەب ویستیان تاڵانی بکەن، بەڵام لەگەڵیان کەوتینە شەڕە تەقە و نە مانهێشت لێمان نزیک ببنەوە، ئەم کێخوا ژنەی گوندی سەلماس لە (#01-06-2014#) بە نەخۆشی کۆچی دوایی دەکات.[1]