سەحەرگاها ئەزەل؛ فەرمان دکر سبحان ئەزەل
روح تێ «مجرّد» بێ عەمەل؛ ئانی د دیوانا حساب
ئانی ژ سەحرایا عەدەم؛ هند کافر و هند موحتەرەم
هەمیا ژ بۆ گەڕیا قەلەم؛ ڕەشکر ب ڤی تەرزی کتاب
ئەمرێ تە چوو سەر لەفزی «کُن»؛ مەجموعێ ئەرواحان ژبن
ئانینە دیوانا مەزن؛ فەرمان تە کر، وان دا ختاب
ژێ کر سوئال لەفزا ئەلەست؛ قەد یەک نەبوو جوزئەک د دەست
ئەمرێ تە ئەو قانونە خەست؛ هەرچەند کو وان نەدا جەواب
هێش نە ئادەم بو بەشەرە؛ ئەر میم و حێ عەکسا بێ خەبەرە
باخۆی نڤیسین خێر و شەرە؛ دەفتەر کرن شەر و سەواب
#فەقێ تەیران# [1]