دەقی پەیامەکەی #مەسعود بارزانی#:
پەیامی سەرۆک بارزانی بۆ یادی لەدایکبوونی پێغەمبەری ئیسلام (د.خ)
بەناوی خودای بەخشندەی میهرەبان
بەبۆنەی یادی لە دایکبوونی پێغەمبەری مەزن، حەزرەتی محەمەدولمستەفا (دروودی خوای لەسەر بێت) پیرۆزبایی لە هەموو موسڵمانانی جیهان و عێراق و کوردستان دەکەم.
لەم بۆنە پیرۆزەدا لە خودای گەورە داواکارم دەرگای خێر و بەرەکەت و ڕەحمەت بە ڕووی گەلی کوردستان و گەلانی عێراق و ناوچەکە بکاتەوه و ئاشتی و مرۆڤدۆستی سەرانسەری جیهان و ناوچەکەمان بگرێتەوە.
هەروەها لە یەزدانی مەزن دەخوازم فەرهەنگی پێکەوەژیان و برایەتی و تەبایی لەناو گەلەکەماندا قووڵتر و فراوانتر ببێت.
والسلام علیکم ورحمة الله وبرکاتە
مسعود بارزانی
8ی تشرینی یەکەمی 2022[1]
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!