بېسارانی
ئېم شەو ئایېرێ گڕ بەست نە دەرۇن
بڵېسەش یاوا بە سەقفی گەردۇن
جە کۇرەی ئایېر، جە بڵېسەی نار
ستېزام چۇن بەرق، ئاو کەردم هاوار
جە هاوار هاوار شەفا و لاڵەی من
جە هەی ئاو هەی ئاو، شین و ناڵەی من
تومەز مەژنەوۊ یەک خوڎاتەرسێ
موسڵمان سیفەت ڕاگەی حەقپەرسێ
ماوەرۊ گۊزەی نەفتی بەیتولماڵ
مەشانۊ وە ڕۇی گڕ بەستەی شەماڵ
پېسە مەزانۊ یە گۊزەی ئاوان
نمەز خۊ یە نەفت تەوەن پېتاوەن
گۊزەی نەفتش کەرد وە بڵېسەمدا
قرچەی گۊزەی نەفت وە ستېزەمدا
هەر تا سەحەر بی، هەر سۊزام بە سۊز
سەحەر سفتە کۊم با بەردش چۇن تۊز
هەر کەس وېنەی من ئېقباڵش چەفتەن
نەواچۊ هەی ئاو، نەسیبش نەفتەن
[1]