باخچێوە بېگەرد
نویستەی: میرزا ئۆلقاڎرو پاوەی
بەشۍ سەڎ و سی و یەکەمه
گفتوگۊ مېیانو خەدیجەی و محەمەدی: خەدیجە یەقین مڎۊ بە محەمەدی، کە ئانەی دییەنش، فریشتەن.
فەرقی موبارەک، پاکی پېغەمبەر
جە تۊی گریبان، وېش ئاوەرد وە بەر
خەدیجە عەرز کەرد، دیسان بەو سەروەر
ئەم جار، جوبرەئیل، مەیۊت، ئەو نەزەر
حەزرەت، فەرماوا: نەمەندەن، هاڵا
دیارەن، کەم کەم، مەشۊ، وە باڵا
خەدیجە، عەرز کەرد، دیسان هەم جە نۊ
واتش: فیدات بام، موژدە بۊ، جە تۊ
ئانە، فریشتەن، بە تۊ دیارەن
مامووری حەزرەت، پەروەردگارەن
یەقین، هەقق ئاڎش، وا گوزار کەردەن
تەعلیقەی مەنسەب، پەی تۊ ئاوەردەن.[1]