#وەلی دېوانە#
قیبلەم خاوم بۊ، قیبلەم خاوم بۊ
ئەگەر وەبۍ تۊ یەک دەم خاوم بۊ
ڕۊ جەفا و مەینەت شەو ئاراومم بۊ
وە چنگی گېیانکېش گلاراوم بۊ
غەیر جە دینی تۊ ئەر پەژارەم بۊ
پەژارەی پڕ خەوف ڕای قەنارەم بۊ
ئەر لادێ فېکرت بەرکەرۊ نە دڵ
جەرگم لەت لەت بۊ بە مەودای قاتڵ
ئەگەر سیوای تۊ کەسێوەم فەرد بۊ
سەر تا پام پەشتان ئالۇدەی دەرد بۊ
ئەر لەحزەی نامت فەرامۊشم بۊ
یا سۊزی سەودای تۊ خامۊشم بۊ
زوانم پارەی تېغی ئەڵماس بۊ
دەرۇنم لەت لەت گشت وە پڵاس بۊ
دیدەم وە دیدەی مەستی سێوەنگت
ئەگەر یەک نەفەس نەشنەوۇن دەنگت
مورغی ئەڕواحم جە تەن بېزارەن
دنیا نە دیدەم زوڵمات و تارەن
[1]