باخچێوە بېگەرد
نویستەی: میرزا ئۆلقاڎرو پاوەی
بەشۍ سەڎ و سی و یەرەمە
خەدیجە پەرساش وەرەقەی و ماچۊ: سیفات و ئا پېخامئاوەرەیە هەکە دلۍ تەورات و ئینجیلینە باسش کریان، چېشەن، وەرەقە سیفاتەکېش پەی واتەو ماچۊ: کە لوایۆ پەی یانەی، محەمەدم پەی کېیانە.
خەدیجە پەرسا، مەر ئەو پېغەمەر
سیفاتش چېشەن، پېم بدەر خەبەر
وەرەقە وات: وەسفش بۍ حەد شمارەن
بەرگوزیدە زات، پەروەردگارەن
بەڵۍ، وە ڕۊئیەت، نەک شەوپای خەودا
ئاشکار، مەشۊ، وە بانی ئاودا
سەنگی سەرد دایېم، هەر سات، وە چەند تەرز
مەکەران، سەلام، وە ئاوازی بەرز
چوون عیسا،، مەردەی سەڎ ساڵە مەزار
بە ئیعجاز، چەنیش، مەیا، وە گوفتار
ئەشجار، ئەشیاه، جە ماه تا ماهیی
بە نبوەتش، مەڎان گەواهیی
وەرەقە وات: عەلعان، بشۊ وە یانە
زووتەر، محەمەد، پەی من بکیانە.[1]