#سۆران عومەر#، ئەندامی ئەنجوومەنی نوێنەرانی ئێڕاق لەبارەی ڕوودای دزیەکەی بانکی ڕافیدەین کە بە (دزی سەدە) ناسراوە و بڕەکەی (317) ملیار دینارە نووسیوویەتی:
- ئەگەر هاووڵاتیەک بەهۆی نادادی حوکمڕانییەوە تووشی بێکاری و نەبونی و لادان بوبێ و ناچار بە دزی بوبێت، ئەوا سزای بەندکردنی بەسەردا جێبەجێ دەکرێ لە کاتێکدا دزیەکەی لە یەک کەس یان ماڵێک کردووە!
- ئەوانەی ملیار دۆلاری میلەتیان دزیوە، وەک نور زوهێر ئازاد دەکرێ بە بیانوی ئەوەی موڵکێکی زۆری هەیە بتوانێ بیفرۆشێ و پارەکە بگەڕێنێتەوە.
- (دزی سەدە) کە هیچ کەسی لەسەر زیندانی نەکراوە سەلمێنەری ئەوەیە دزی گەورەی دەسەڵاتداری لە پشتە.
- ئەم بابەتە تاقیکردنەوەیەکی سەرەتای کابینەی نوێ بوو بۆ گێڕانەوەی تەواوی پارە دزراوەکان و بە سزا گەیاندنی ئەنجامدەرانی و ئەوانەی لە پشتیانن. [1]