#بېسارانی#
حافېظ باحېسی شاخی نەباتت
بە نۊشیدەی جام جورعەی مەماتت
بە هەوای گوڵگەشت، سەیری موسەڵات
بە ئاب ڕوکن‌ئاباد سەرچەشمەی حەیات
بە لېسانولغەیب سینەی پڕ جە دوڕ
مایەی دڵ جە گەنج، بەحری مەعنا پوڕ
جەو ساوە قیبلەم جە من دۇر کەفتەن
سەرتاپای باڵام ئالۇدەی نەفتەن
فاڵی وەسفو لحال ماوەرە پەرېم
موناسېب بە حاڵ جەستەی خەستەی وېم
هەر شەو جە ئاسمان قەبرت پڕ نۇر بۊ
دیدەی بەد جە شاخ نەباتت دۇر بۊ
[1]