سڕبوون، مێروولەکردن، تەزین، گەرم داهاتنی پەلەکان یەکێکە لە نیشانە زۆر باوەکان کە هۆکاری زۆرە، وەکوو:
1- نەخۆشیەکانی مێشک: جەڵتەی مێشک، شێرپەنجەی مێشک، هەوکردنی مێشک و پەردەی مێشک و سەریەشەی شەقیقە.
2- نەخۆشی هەستە دەمارەکان: گیرانی دەماری دەست (CTS) هەوکردنی دەمارەکان، زەبری دەرەکی، ڕەقبوونی دەمارەکان، و هەندێ نەخۆشی بۆماوەیی.
3- نەخۆشی کوێرەڕژێنەکان: شەکرە، غودەی تەمەڵ و سستبوونی گورچیلە و نەخۆشی پۆرفیریا.
4- کەمی ڤیتامینەکان: کەمی ڤیتامین دی و ڤیتامین بی 12 و کەمی ئاسن.
5- ژەهراوی بوون بە ماددە کحولیەکان و کانزا قورسەکان و کاریگەری لاوەکی هەندێ دەرمانی شێرپەنجە.
6- نەخۆشیەکانی ڕۆماتیزمە: ڕۆماتیزمەی ئێسقان (Rheumatoid arthritis) نەخۆشی گورگە سوورە (SLE). هەوکردنی موولولە خوێنیەکان (Vasculitis). شینبوونەوەی سەر پەنجەکان (Rynaud´s disease) و هەروەها ئینزیلاق و فەقەراتی پشت و مل.
7- شێرپەنجە و کاریگەریەکانی. [1]
د. داهات حەوێزی
پزیشکی پسپۆری هەناوی و شەکرە